10.1:107  ORDONNANCES.  de  leur  pere,  et  ayent  tenu  mesnage  a  part.  Combien  qu'il  sera  plus  honneste  qu'ils  se  laissent  tousiours  gouverner  par  le  conseil  de  leurs  peres.  Que  toutes  promesses  de  mariage  se  facent  honnestement,  et  en  la  crainte  de  Dieu:  et  non  point  en  dissolution,  ne  par  une  legerete  frivole  (comme  en  tendant  seulement  le  verre  pour  boire  ensemble),  sans  s'entre  premierement  accordez  de  propos  rassis.  [page  28]  Et  que  ceux  qui  feront  autrement  soyent  chastiez.  Mais  a,  la  requeste  de  l'une  des  parties  qui  se  diroit  avoir  este  surprinse,  que  le  mariage  soit  rescinde.  Si  quelcun  tire  une  partie  en  cause,  allegant  promesse  de  mariage,  sinon  qu'il  y  eust  deux  tesmoins  gens  de  bien  et  de  bonne  renommee,  que  le  serment  soit  defere  a,  la  partie  defendante,  et  qu'en  le  niant  elle  soit  absoute.  Pour  quelles  causes  une  promesse  se  peut  rescinder.  Que  depuis  qu'il  appert  d'une  promesse  faicte  entre  personnes  capables,  le  mariage  ne  soit  point  rescinde,  sinon  pour  deux  cas:  assavoir,  quand  il  se  trouveroit  par  probation  suffisante,  qu'une  fille  qui  auroit  este  prise  pour  vierge,  ne  le  seroit  pas:  ou  que  l'une  des  parties  auroit  maladie  contagieuse  en  son  corps,  et  incurable.  Que  par  faute  de  payement  du  dot,  ou  d'argent,  ou  d'accoustremens,  le  mariage  ne  soit  point  empesche  qu'il  ne  vienne  en  son  plein  effect:  d'autant  que  ce  n'est  que  l'accessoire.  QUE  LES  PROMESSES  SE  FACENT  SIMPLEMENT.  Combien  qu'en  pourparlant  ou  devisant  du  mariage  il  soit  licite  d'y  adiouster  condition,  ou  reserver  la  volonte  de  quelcun:  toutesfois  quand  ce  vient  a  faire  la  promesse,  qu'elle  soit  pure  et  simple,  et  que  [page  29J  on  ne  tienne  point  pour  promesse  de  mariage  le  propos  qui  aura  este  sous  condition.  DU  TERME  D'ACCOMPLIR  LE  MARIAGE  APRES  LA  PROMESSE  FAICTE.  Apres  la  promesse  faicte,  que  le  mariage  ne  soit  point  differe  plus  de  six  sepmaines:  autrement  que  on  appelle  les  parties  au  Consistoire,  pour  les  admonester:  s'ils  n'obeissent,  qu'ils  soyent  renvoyez  par  devant  le  Conseil,  pour  estre  contraints  a  le  celebrer.  Que  s'il  se  faisoit  quelque  opposition,  le  Ministre  remette  l'opposant  par  devant  le  Consistoire