8:106  toute  droiture.  Mais  regardons  aussi,  d'autrepart,  quelle  est  celle  raison.  Il  semble  a  d'aucuns,  que  sainct  Paul  a  este  despourveu  de  response,  quand  il  a  dit:  Homme,  qui  es-tu,  qui  te  puisses  eslever  a  l'encontre  de  Dieu?  (Rom.  4,  20.)  Mais,  c'est  la  meilleure  solution  qu'il  puisse  donner,  que  celle-la  [page  33].  Et  qu'ainsi  soit,  ne  pensons  point  que  Dieu  ne  nous  puisse  bien  satisfaire,  qu'il  n'ait  de  quoy,  quand  il  seroit  question  qu'il  respondist,  et  qu'il  nous  monstrast:  Voila  pourquoy  i'ay  fait  cecy  ou  cela.  Mais  en  premier  lieu,  prenons  le  cas,  que  Dieu  se  voulust  assubiettir  a  nous,  en  sorte  qu'il  fust  la  comme  devant  son  iuge,  pour  s'excuser,  voire  :  Vous  trouvez  a  dire  en  cecy?  Et  voila  pourquoy  ie  l'ay  fait.  Quand  Dieu  se  voudrait  assubiettir,  comme  pour  nous  rendre  compte  de  tout  ce  qu'il  fait,  regardons  un  peu  si  nous  pourrions  concevoir  ceste  gloire  de  Dieu,  ceste  maieste  qui  e&t  en  luy,  en  sorte  que  nous  la  puissions  porter.  Mais  au  contraire  il  faudroit  que  nous  fussions  abysmez  par  icelle,  quand  nous  irions  avec  une  telle  audace  et  si  desbordee.  Et  pourtant,  que  nous  sachions  quelle  est  nostre  capacite:  c'est  assavoir,  que  nous  sommes  si  rudes  et  si  ignorans,  que  nous  ne  pouvons  pas  comprendre  ce  que  Dieu  a  voulu  nous  estre  cache.  Mais  cependant  tenons  pour  tout  resolu,  que  Dien  a  iuste  cause  de  faire  ce  qu'il  fait,  combien  [page  34]  qu'elle  nous  soit  cachee,  que  les  choses  que  nous  ne  cognoissons,  ne  laissent  point  d'estre,  pourtant.  Car  nous  ne  voyons  point  encores  les  choses  faites  face  a  face.  Nous  ne  les  voyons  point  a  l'oeil,  comme  sainct  Paul  en  traitte  en  un  autre  passage.  Bref,  iamais  nous  ne  comprendrons  ce  mystere  icy  et  secret  si  haut  et  si  excellent,  sinon  en  ayant  ceste  mansuetude  pour  dire  :  Et  bien,  si  nous  ne  voyons  la  raison  pourquoy  Dieu  besongne  ainsi,  tant  y  a  qu'il  nous  doit  suffire  qu'il  est  iuste;  et  sur  cela  de  profiter  tousiours  en  la  cognoissance  de  sa  volonte.  Or  quand  a  ceux  qui  disent,  qu'on  pourroit  bien  se  passer  de  ceste  doctrine  icy,  et  qu'on  pourroit  prescher  la  foy  et  la  repentance,  sans  dire  qu'il  y  en  a  qui  sont  esleus  de  Dieu;  ceux-la  veulent  estre  plus  sages  que  luy-mesme.  Il  est  vray  qu'il  nous  faut  estre  sobres,  comme  ie  vien  de  dire,  et  nous  ne  pouvons  trop  garder  d'attrempance  pour  ne  point  exceder  nos  limites,  comme  Dieu  nous  l'a  commande.  Mais  la  mesure  de  ceste  sobriete,  d'ou  nous  la  faut-il  prendre?  Est-ce  de  nostre  [page  35]  sagesse,  ou  de  Dieu  mesme?  Il  est  bien  certain  que  Dieu  cognoit  ce  qu'il  nous  est  expedient  d'entendre.  Or  puis  qu'ainsi  est,  qu'il  nous  declare.ce  que  nous  avons  desia  veu,  il  faut  donc  que  nous  le  cognoissions,  mais  il  ne  faut  point  que  nous  passions  outre.  Si  tost  que  Dieu  aura  coupe  le  chemin,  il  faut  que  nous  demourions  la  tout  courts.  Et  ainsi,