52:106  cipat  Paulus,  facta  baptismi  mentione.  Circumcisionem,  inquit,  spiritualem  peragit  in  nobis  Christus,  non  intercedente  vetere  illo  signo  quod  sub  Mose  valuit,  sed  baptismo.  Rei  ergo  exhibitae  signum  est  baptismus,  quam  absentem  figurabat  circumcisio.  Argumentum  est  ab  oeconomia  quam  Deus  ordinavit.  Nam  qui  circumcisionem  retinent,  modum  fingunt  dispensationis  ab  eo  diversum,  quem  Deus  instituit.  Quod  dicit  nos  sepeliri  cum  Christo,  plus  est  quam  crucifigi.  Sepultura  enim  continuum  mortificationis  progressum  exprimit.  Quod  fieri  hoc  per  baptismum  tradit,  sicuti  etiam  ad  Romanos  capite  6,  4,  loquitur  suo  more,  tribuens  sacramento  efficaciam,  ne  frustra  significet  quod  non  sit.  Per  baptismum  ergo  sepelimur  cum  Christo,  quia  mortificationem,  quam  illic  figurat  Christus,  efficaciter  simul  peragit:  ut  res  signo  sit  coniuncta.  In  quo  et  consurrexistis.  Amplificat  gratiam,  quam  in  Christo  obtinemus,  quae  longe  circumcisionem  antecellit.  Non  tantum  in  mortem  Christi  inserimur,  inquit,  sed  resurgimus  etiam  in  novitate  vitae.  Quo  magis  sunt  in  Christum  iniurii,  qui  ad  circumcisionem  reducere  nos  tentant.  Et  addit,  per  fidem.  Nam  certe  per  illam  percipimus  quod  offertur  nobis  in  baptismo.  Sed  quam  fidem?  Efficaciae  vel  operationis  eius.  Quo  significat  fidem  in  Dei  virtute  esse  fundatam.  Verum  quia  fides  non  vagatur  in  confusa  et  indefinita  (ut  loquuntur)  potentiae  divinae  contemplatione:  exprimit  quam  efficaciam  respicere  debeat,  nempe  qua  suscitavit  Christum  a  mortuis.  Sumit  autem  pro  confesso,  quia  fideles  a  capite  suo  avelli  impossibile  est,  eandem  Dei  virtutem,  quae  se  exseruit  in  Christo,  communiter  ad  eos  omnes  diffundi.  13.  Et  vos  quum  mortui  essetis  delictis  et  in  praeputio  carnis  vestrae,  simul  vivificavit  cum  ipso,  condonando  vobis  omnia  peccata:  14.  et  deleto  quod  contra  nos  erat  chirographo  in  decretis,  quod  erat  nobis  contrarium,  et  illud  sustulit  e  medio  affixum  cruci,  15.  exspolians  principatus  et  potestates,  traduxit  palam  triumphans  de  his  in  illa.  13.  Et  vos  quum  mortui.  Quod  in  genere  disseruit,  admonet  Colossenses  ut  in  seipsis  recognoscant:  quae  longe  efficacissima  est  docendi  ratio.  Porro  quia  gentiles  erant  quum  ad  Christum  sunt  conversi,  inde  admonet  quam  absurdum  sit  nunc  ad  mosaica8  caeremonias  a  Christo  transsilire.  Erat  i  s  ,  inquit,  mortui,  in  praeputio.  Potesttamen  vel  in  propria  significatione  accipi  hoc  nomen,  vel  translatitie.  Si  proprie  accipias,  sensus  erit:  Praeputium  symbolum  est  alienationis  a  Deo.  Nam  ubi  non  est  foedus  gratiae,  illic  immundities,  et  inde  maledictio  et  interitus.  Atqui  vos  ex  praeputio