51:106  qu'ils  ne  regardent  point  qu'il  y  doit  avoir  une  communaute  envers  tous  hommes.  Voila  donc  pourquoy  sainct  Paul  notamment  dit  qu'il  nous  faut  tascher  de  bien  faire  a  tous,  voire  a  ceux  qui  en  sont  indignes,  et  fussent-ils  nos  ennemis  mortels.  Il  est  vray  que  cela  est  dur  et  contraire  a  nostre  inclination:  mais  voila  aussi  ou  Dieu  nous  esprouve  tant  mieux^  Car  si  nous  faisons  bien  a  ceux  qui  le  meritent,  a  ceux  qui  le  peuvent  re  valoir,  ce  n'est  pas  pour  monstrer  que  nous  vueillions  servir  a  Dieu,  car  nous  aurons  possible  esgard  a  nostre  profit.  Et  comme  nostre  Seigneur  Iesus  le  remonstre,  les  Payens  en  font  bien  autant,  et  les  pires  du  monde.  Et  pourquoy?  Ils  regardent,  I'ay  besion  d'estre  sub  venu,  il  faut  que  i'acquiere  des  amis.  Si  donc  nous  discernons  ceux  qui  sont  dignes  a  leur  bien  faire,  et  ceux  aussi  qui  ont  le  moyen  de  nous  rendre  la  pareille,  cela  n'est  pas  une  droite  epreuve,  ni  un  examen  certain  que  nous  vueillions  nous  employer  comme  Dieu  le  commande:  mais  quand  nous  fermons  les  yeux  a  l'ingratitude  des  hommes,  et  que  nous  sommes  enclins  a  pitie  seulement  par  leur  pourete  et  misere,  voila  comme  nous  servons  a  Dieu.  Or  faisant  ainsi,  il  est  certain  que  nous  tascherons  de  bien  faire  a  tous  (comme  i'ay  desia  declare),  que  nous  ne  pouvons  pas  rompre  le  lien  indissoluble  par  lequel  Dieu  nous  a  conioints  et  unis.  Et  ainsi  les  plus  estranges  du  monde  nous  sont  assez  prochains,  combien  qu'ils  ne  nous  soyent  ni  parens,  ni  cousins,  ni  familiers.  Et  pourquoy?  nous  sommes  tous  d'une  chair:  nous  portons  une  marque  qui  nous  doit  induire  de  faire  l'un  a  l'autre  tout  ce  que  possible  nous  sera.  Quoy  qu'il  en  soit,  sainct  Paul  nous  recommande  par  especial  les  domestiques  de  la  foy.  Or  il  use  de  ce  mot  Domestiques,  pour  nous  toucher  plus  au  vif  par  similitude.  Car  combien  que  nature  nous  enseigne  que  nous  devons  secourir  a  ceux  qui  sont  en  necessite,  si  est-ce  que  ceux  qui  sont  d'une  maison,  encores  sont-ils  plus  enclins  et  volontaires  a  bien  faire  l'un  a  l'autre.  Voici  donc  les  degrez  qui  sont  entre  les  hommes,  que  tous  scavent  bien  qu'il  y  a  quelque  obligation  mutuelle,  tellement  que  s'ils  defaillent  aux  plus  estranges  du  monde,  en  cela  ils  s'oublient.  Or  cependant  de  s'estendre  ainsi  au  long  et  au  large,  pour  ce  qu'il  est  difficile,  voila  pourquoy  on  ne  sera  pas  tant  enclin  a  bien  faire  a  gens  incognus,  si  ce  n'est  en  necessite  extreme.  Car  alors  quelque  durete  qu'il  y  ait  en  nous,  si  sommes  nous  esmeus  quand  nous  verrons  un  homme  en  danger  eminent,  chacun  s'employera  pour  luy  subvenir.  Mesmes  ceste  pitie  la  est  tellement  engravee  en  nous,  qu'elle  s'estendra  iusques  aux  bestes:  par  plus  forte  raison  donc  envers  ceux  qui  sont  creez  a  l'image  de  Dieu  comme