50:106  venirent  ad  vos:  ut  praepararent  ante  promissam  benedictionem  vestram,  quo  in  promptu  sit,  atque  ita  ut  benedictio,  non  tenacitas.  Prima  facie  male  vel  non  satis  commode  cohaeret  haec  sententia  cum  superioribus.  Nam  videtur  de  re  nova  loqui  quam  nondum  attigerit:  quum  persequatur  idem  argumentum.  Observent  tamen  lectores,  Paulum  nihil  aliud  hic  agere  quam  quod  prius  egerat:  non  diffidentia  scilicet  hortari  se  Corinthios,  nec  suam  admonitionem  cum  aliqua  praeteriti  temporis  reprehensione  coniunctam  esse:  verum  se  habere  rationes  quibus  moveatur.  Quod  ergo  nunc  dicit,  hunc  habet  sensum:  Non  doceo  vos  subveniendum  esse  sanctis:  quid  enim  opus  est?  nam  id  vobis  satis  est  cognitum,  et  re  ipsa  declarasti8  nolle  vos  illis  deesse:  sed  quia  iactando  ubique  vestram  liberalitatem  fidem  meam  simul  et  vestram  obstrinxi.  Haec  causa  non  patitur  me  quiescere.  Tam  anxia  sollicitata  nonnihil  alioqui  odiosa  esse  poterat  Corinthiis,  quia  putassent  vel  sibi  exprobrari  suam  pigritiam,  vel  se  Paulo  suspectos  esse.  At  vero  commoda  excusatione  efficit  ut  absque  odio  liberum  sit  non  hortari  eos  tantum,  sed  subinde  urgere.  Verum  possit  alicui  suspicio  haec  venire  in  mentem:  Paulum  hic  simulare  aliud  quam  sentiat.  Quod  nimis  absurdum  foret:  si  enim  satis  propensos  ad  officium  iudicat,  cur  tantopere  insistit  illis  admonendis?  sin  autem  dubitat  de  eorum  voluntate,  cur  supervacuam  fore  admonitionem  asserit?  Caritas  utrumque  fert,  bonam  spem  et  sollicitudinem.  Nunquam  tale  Corinthiis  testimonium  reddidisset,  nisi  ita  persuasus  fuisset  ut  loquitur.  Viderat  laeta  initia:  progressus  non  dissimiles  fore  sperabat.  Sed  quia  non  ignota  illi  erat  humani  ingenii  inconstantia:  non  potuit  esse  nimius  cavendo  ne  a  sancto  proposito  deflecterent.  1.  Subministratam,  ete.  Videtur  hoc  non  apte  in  eos  competere,  qui  de  suo  erogant  pauperibus:  quia  digna  est  splendidiore  elogio  liberalitas.  Sed  respexit  Paulus  quid  suis  membris  debeant  fideles.  Mutuo  enim  sibi  ministrare  debent  Christi  membra.  Ita  quum  fratribus  subvenimus,  nihil  aliud  quam  praestamus  debitum  illis  ministerium.  Sanctos  vero  negligere,  quum  ope  nostra  indigent,  plus  quam  inhumanum  est,  quia  suo  eos  iure  fraudamus.  2.  De  qua  gloriatus  sum,  ete.  Rectam,  quam  habebat  de  ipsis,  opinionem  inde  probat,  quod  propemodum  sponsorem  se  interposuerit  in  asserenda  promptitudine  eorum.  Sed  quid  si  temere  asseruit  plus  quam  res  ferebat?  hoc  enim  videtur.  Iactabat  enim  anno  uno  paratos  esse,  in  quibus  parandis  adhuc  nunc  laborat.  Respondeo,  non  accipienda  esse  verba,  perinde  ac  si  testatus  esset  Paulus,  iam  repositum  esse  in  arca  quod  daturi  erant:  sed  tantum  narrabat  quidnam  esset  inter  eos  constitutum: