44:106  Nam  Hebraei  desiderium  vocant  quidquid  habetur  in  pretio:  ita  hoc  nomine  comprehendunt  omnes  divitias,  honores,  et  delitias,  et  quidquid  tale  est.  Ideo  quidam  sic  contexunt,  Concutiam  omnes  gentes,  et  veniet  desiderium:  ut  sit  mutatio  numeri.  Alii  subaudiunt  particulam  2,  vel  D  hoc  est,  venient  cum  desiderio,  vel,  venient  in  desiderio,  id  est,  non  venient  gentes  vacuae,  sed  colligent  omnes  suo&  thesauros,  ut  sacra  sit  Deo  oblatio.  Sed  possumus  etiam  intelligere  de  Christo  quod  dicit,  desiderium  omnium  gentium,  et  implebo  domum  hanc  gloria.  Scimus  enim  Christum  fuisse  exspectationem  totius  mundi:  sicuti  etiam  apud  Iesaiam  dicitur.  Et  optime  quadrabit  haec  loquutio,  ubi  desiderium  gentium  advenerit,  hoc  est,  ubi  patefiet  Christus,  ad  quem  respicere  debent  omnium  vota,  tunc  illustrem  fore  secundi  templi  gloriam:  sed  quia  statim  subiungitur,  Meum  argentum,  et  meum  aurum,  ideo  simplicior  erit  sensus  ille  quem  iam  retuli,  nempe  venturas  gentes  et  quidem  instructas  omnibus  divitiis,  ut  se,  et  sua  omnia  offerant  Deo  in  sacrificium.  Optime  enim  convenit  quod  sequitur  si  expositive  legamus,  meum  argentum,  meum  aurum,  dicit  Iehova,  hoc  est,  ego  non  inopia  hactenus  distuli  plenam  templi  aedificationem.  Quid  enim  impediet,  quominus  undique  coacervem  aurum  et  argentum?  Si  ita  mihi  libeat,  momento  uno  templum  erigam  ex  omnibus  mundi  divitiis.  Denique  annon  penes  me  est  creare  montes  aureos  et  argenteos,  ut  inde  mihi  templum  fabricem?  Ergo  videtis  me  non  destitui  opibus,  quominus  templum  aedificem  sicuti  promisi:  sed  quia  nondum  tempus  impletum  est.  Ergo  suspensos  stare  oportet  et  tamen  erectos,  qui  fidem  habent  prioribus  vaticiniis,  donec  opportunum  tempus  advenerit.  Haec  est  summa.  Tandem  concludit  fore  gloriam  secundi  templi  maiorem  quam  prioris^  et  fore  pacem  huic  loco.  Quantum  ad  verba  attinet,  nihil  obscurum  est:  sed  praecipue  attendere  convenit  ad  rem  ipsam.  Ac  primo  quidem  notandum  est,  quidquid  hic  dicitur  de  futura  templi  gloria,  referri  debere  ad  spiritualium  donorum  praestantiam,  quae  apparuit  Christo  exhibito,  et  tamen  adhuc  nobis  conspicua  esse  debet,  sed  per  fidem:  quia  caecutiunt  profani  homines  ad  eius  conspectum.  Et  hoc  tenendum  est,  ne  fabulemur  cum  crassis  interpretibus,  qui  putant  hoc  aliqua  ex  parte  fuisse  praestitum  ubi  de  integro  Herodes  novum  templum  construxit.  Nam  etsi  fuit  sumptuosa  illa  structura,  tamen  non  dubium  est,  quin  diabolus  conatus  sit  potius  larvam  obiicere  Iudaeis,  ut  desinerent  sperare  in  Christum.  Forte  etiam  talis  fuit  Herodis  astutia.  Scimus  enim  fuisse  duntaxat  semiiudaeum  :  profitebatur  se  unum  esse  ex  filiis  Abrahae:  sed  scimus  tantum  pro  suo  commodo  mores  suos  accommodasse  Iudaeis.  Ergo  ne  attenti  essent  ,ad  Christum,  potuit  illis  obiicere  fallax  et  inane  spectaculum  illud,