21:106  un  sarcueil  *)  de  bois  tout  simplement  :  puis  sur  les  deux  heures  apres  midi  fut  porte  a  la  maniere  accoustumee,  comme  aussi  il  l'avoit  ordonne,  au  cemetiere  commun  appele  Plein  palais,  sans  pompe  ni  appareil  quelconques:  la  ou  il  gist  auiound'huy,  attendant  la  Resurrection  qu'il  nous  a  enseignee,  et  a  si  constamment  esperee.  Ie  di  notamment  qu'il  lui  fut  fait  tout  simplement,  comme  la  maniere  est3)  en  ceste  Eglise  de  faire  en  la  sepulture  d'un  chacun  :  tellement  que  quelques  mois  apres,  certains  escoliers  estans  venus  de  nouveau  ici  estudier,  se  trouverent  trompez  un  iour  que  i1  s  allerent  tout  expres  au  cemetiere  pour  voir  le  sepulcre  de  Calvin,  car  ils  pensoyent  y  voir  quelque  tombeau  esleve  et  magnifique,  et  il  n'y  a  rien  que  la  terre  simplement  non  plus  qu'aux  autres:  ce  qui  doit  pour  le  moins  nous  servir  contre  ceux  qui  de  long  temps  nous  ont  accusez  que  nous  faisions  de  luy  une  idole.  Au  reste,  en  l'enterrement  le  corps  fut  suivi  non  seulement  des  Syndiques  et  Conseillers  avec  les  Pasteurs  de  l'Eglise  et  Francoise  et  Italien  ne,  les  Professeurs  publics  et  grand  nombre  d'escoliers,  mais  aussi  de  la  pluspart  de  la  ville,  et  d'hommes  et  de  femmes,  et  de  gens  de  tous  estats,  qui  le  regretteront  d'autant  plus  longuement  qu'il  y  a  peu  d'apparence  de  reparer,  au  moins  de  long  temps,  une  si  grande  et  si  dommageable  perte.  Toutesfois  ie  laisse  en  doute  si  [i  5]  nous  avons  plus  a  nous  plaindre  de  la  perte,  qu'a  remercier  Dieu  de  ce  qu'il  a  fait  vivre  pour  nous  son  serviteur  iusqu'a  ceste  heure.  Car  outre  ce  que  Dieu  avoit  loge  ce  grand  esprit  en  un  corps  imbecille,  et  dispose  de  soy-mesmes  au  mal  de  phthisie,  duquel  aussi  il  est  mort,  les  estudes  de  sa  ieunesse  l'avoyent  fort  attenue:  et  quand  il  est  venu  aux  affaires,  il  s'est  tousjours  si  peu  respecte3)  quant  au  travail  de  son  esprit  que,  sans  une  grace  speciale  de  Dieu  voulant  bastir  son  Eglise  par  cest  instrument,  il  lui  eust  este  impossible  de  parvenir  seulement  iusques  a  l'aage  que  les  Medecins  appellent  declinant.  Le  iour  mesme  qu'il  fut  enterre,  l'Ambassadeur  de  la  Roine  d'Angleterre  vers  le  Roy  de  France  arriva  a  Geneve,  ayant  prins  occasion  de  le  venir  voir  (comme  il  pensoit)  pource  que  lors  la  Cour,  lapuelle  il  suivoit,  n'estoit  pas  trop  loin  d'ici,  assavoir  a  Digeon:  et  fut  fort  marri  de  se  voir  frustre  de  son  esperance.  I'adiousteray  que  mesmes  une  grande  Princesse  de  France  faisoit  son  conte  de  venir  iusques  ici  le  voir,  la  Cour  venant  a  Lion  :  mais  il  mourut  avant  que  le  Roy  departist  des  quartiers  de  Digeon.  Il  a  vescu  quant  a  ceste  vie  mortelle,  l'espace  de  cinquante  cinq  ans  moins  un  1)  cercueil  F.  2)  comme  c'est  la  coustume  F.  3)  considere  F.