20:106  attritis  prorsus  viribus.  Tuas  1.  Iulii  scriptas  *)  accepi  et  cum  fratribus  communicavi.  De  rebus  Gallicarum  ecclesiarum  semper  avemus  audire  felicia.  Non  infelicia  scripsisti:  feliciora  exspectamus.  Quinimo  oramus  Dominum  ut  is  nobis  adsit  et  adversariorum  cruenta  infringat  consilia.  Mihi  quidem  perplaceret  si  tu  ex  libris  D.  Petri  Martyris  colligeres  locos  communes2)  et  quidem  breves  et  ordine  didactico  compositos.  Si  quis  alius  hoc  praestare  poterit,  tu  poteris  inprimis.  Non  puto  iure  posse  conqueri  typographos  nostros,  quum  hoc  videatur  novum  fore  opus.  Scripsit  D.  Martyr  elegantissimos  commentarios  in  libros  Regum  quos  excudet  brevi  D.  Froschoverus.  Utiles  erunt  hi  inprimis  ad  hoc  tuum  institutum.  Sed  primo  quidem  Commentarios  in  3  Reg.  arbitror  edendos,  deinde  quod  restat  in  4.  librum.  Postremo  adiicientur  illis  commentarii  in  libros  Samuelis.  3)  Nunc  excuduntur  Commentarii  in  Ethica  Aristotelis.4)  Exspecto  summo  cum  desiderio  quid  scribes  de  rebus  Gallicis  et  bello  illo  Anglicano,  pacatumne  sit  an  duret.5)  Video  mira  texi  a  pontifice  Romano  et  suis  consiliariis.  Cuperem  ergo  bella  illa  Anglica,  Danica  et  Suedica  esse  pacata.  Orabimus  Dominum  ut  is  ecclesiae  suae  adsit  et  adversariorum  consilia  cruenta  dissipet.  Commendo  tibi  hos  studiosos  Polonos.  Alter  Wenceslaus  Ostrorog  viri  maximi  in  Polonia  et  piissimi  filius  est.  6)  Saluta  D.  Crispinum,  D.  Badium  et  alios  viros  bonos.  Nostri  omnes  te  salutant.  Tale.  Tiguri  26.  Iulii  anno  1563.  Bullingerus  tuus.  3991.1)  desideratur.  2)  Anno  demum  1575  eos  collegit  et  edidit  Lond.  1576  fol.  Hob.  Masson  eccl.  gall.  Londin.  minister.  Alteram  editionum  curavit  Bud.  Gualiherus  Turic.  1587.  Plures  aliae  sequutae  sunt  Heidelbergenses  (v.  Walch.  bibi.  theol.  L  214).  3)  De  Vermilii  Commentariis  a  Simlero  et  Wolfio  editis  v.  Schmidt  p  .  294.  4)  Comm.  in  primum,  secundam  et  initium  tertii  libri  Ethicorum  Aristotelis  (cur.  Santerentiam)  Tur.  1563.  4  cf.  Schmidt  I.  I  5)  Die  21.  Iul  Connestabilts  Portum  Gratiae  obsidere  coepit:  die  28  Warwichius  se  dedidit.  Pax  composita  fuit  d.  l  l  .  Jpr.  1564.  6)  Vide  sequentem.