19:106  l'Eglise  de  Paris  leur  ayt  pourveu  de  quelque  pasteur,  homme  de  savoir  et  experimente  au  faict  ecclesiastique  comme  de  longtemps  on  leur  a  promis.  Pourquoy  ne  leur  ay  peu  renier  cest  escript  vers  vous  pour  vous  prier  et  tres  affectueusement  supplier  au  nom  de  Dieu  leur  vouloir  assister  encore  que  soyez  fort  pressez  d'ailleurs  et  nayez  pour  le  present  beaucoup  de  gens  en  main  propres  pour  ung  tel  lieu.  Car  il  y  a  beaucoup  de  gens  fort  doctes  tant  legistes  quautres  et  gens  de  grande  apparence  et  beaucoup  de  connaissance  dont  on  a  bonne  esperance.  Sil  vous  plaisoit  prester  Mr  Mathurin  de  la  Brosse  pour  quelque  temps  seullement  et  que  luy  eust  le  moyen  pour  se  mettre  en  ce  temps  en  chemin  avec  bon  vouloir,  comme  vous  scavez  tous  que  Dieu  la  doue  de  beaucoup  de  beaux  dons  au  moyen  desquels  il  pourroit  beaucoup  profitter  en  ce  lieu  la  Je  vous  en  voudroys  fort  prier  et  luy  aussi.  Asseurant  bien  de  la  part  de  ces  gens  de  bien  qu'il  naura  faulte  d'aulcune  espece  et  sera  le  tres  bien  venu  avec  eulx  en  tant  qu'ils  desirreroyent  bien  avoyr  un  tel  homme  mesle  de  toute  bonne  science  principallement  des  langues.  Au  reste  jespere  vous  voyr,  aydant  Dieu,  apres  cest  hyver,  me  recommandant  cependant  a  vos  sainctes  prieres.  Vous  suppliant  avoir  toujours  l'eglise  de  la  Bonneville  pour  recommandee.  Je  ne  vous  escris  rien  davantage  de  Troyes  masseurant  bien  que  mon  frere  Sorel  vous  en  aura  amplement  escrit.  Daultres  nouvelles  aussi  ce  present  porteur  vous  en  pourra  suffisamment  informer.  De  seant  en  Othe  ce  7.  en  Novembre  1561.  Vostre  humble  frere  et  serviteur,  de  Beaulieu.  3606.  L'EGLISE  DE  MILHAU  *)  AUX  MINISTRES  DE  GENEVE.  Demande  de  pasteur.  (Autographe  de  la  Bibliotheque  de  Geneve  MS.  196,  fol.  221.)  A  Messieurs  Messieurs  Calvin  et  amis  ministres  de  leglise  de  Geneve  a  Geneve.  3606.1)  L'eglise  de  Milhau  {Aveyrori)  fut  dressee  1560  par  le  ministre  Malet.  Emprisonne  et  mene  a  Ehodes  avec  plusieurs  protestants  de  l'endroit,  ils  furent  elargis  apres  que  leur  proces  eut  traine  assez  long  temps.  (Hist.  eccl.  L  337.)