10.1:106  que  quelcun,  soit  homme  ou  femme,  les  ait  induits  a  cela,  que  la  punition  soit  de  trois  iours  au  pain  et  a  l'eau,  et  de  crier  merci  devant  la  Iustice  a  ceux  a  qui  il  attouchera.  Que  les  tesmoins  qui  se  seront  trouvez  a  faire  tel  mariage,  soyent  aussi  punis  par  prison  d'un  iour  au  pain  et  a,  l'eau.  Que  nul  ne  face  promesse  clandestine,  sous  condition,  ou  autrement,  entre  les  ieunes  gens  qui  n'auront  point  encore  este  mariez  :  mais  qu'il  y  ait  pour  le  moins  deux  tesmoins,  autrement  le  tout  sera  nul.  En  cas  que  les  enfans  se  marient  sans  conge  de  pere,  ou  de  mere,  en  l'aage  qui  leur  a  este  permis  ci  dessus,  estant  cognu  par  la  Iustice  qu'ils  ont  licitement  fait,  pour  la  negligence,  ou  trop  grande  rigueur  de  leurs  peres:  que  les  peres  soyent  contraints  a  leur  assigner  dot,  ou  leur  faire  tel  parti  et  condition  comme  s'ils  y  avoyent  consenti:  a  la  dicte  et  cognoissance  du  Conseil  estroit,  apres  avoir  eu  l'advis  et  rapport  des  parents,  et  avoir  eu  esgard  es  circonstances  et  qualitez  des  personnes  et  biens.  Que  nul  pere  n'ait  a  contraindre  ses  enfans  a  tel  mariage  que  bon  lui  semblera,  sinon  de  leur  bon  gre  et  consentement:  mais  que  celui  ou  celle  qui  ne  voudroit  point  accepter  la  partie  que  son  pere  lui  voudroit  donner,  s'en  puisse  excuser,  gardant  tousiours  [page  27]  modestie  et  reverence:  sans  que  pour  tel  refus  le  pere  lui  en  face  aucune  punition.  Le  semblable  sera  observe  en  ceux  qui  sont  en  curatele.  Que  les  peres  ou  curateurs  n'ayent  a  faire  contracter  mariage  a  leurs  enfans  ou  pupilles,  iusques  a  ce  qu'ils  soyent  venus  en  aage  de  le  confermer.  Toutesfois  s'il  advenoit  que  quelque  enfant  ayant  refuse  de  se  marier  selon  la  volonte  du  pere,  choisist  puis  apres  un  mariage  qui  ne  fust  point  tant  a  son  profit  et  avantage:  que  le  pere  a  cause  de  telle  rebellion  ou  mespris  ne  fust  tenu  sa  vie  durant  de  lui  rien  donner.  LES  PERSONNES  QUI  SE  PEUVENT  MARIER  SANS  CONGE.  Ceux  qui  auront  este  desia  une  fois  mariez,  tant  hommes  que  femmes,  combien  qu'ils  ayent  encores  leurs  peres  vivans,  seront  neantmoins  en  liberte  de  se  pouvoir  marier:  moyennant  qu'ils  ayent  l'aage  susdict,  assavoir,  le  fils  vingt  ans  passez  et  la  fille  dix-huict:  et  qu'ils  ayent  este  emancipez,  c'est  a  dire,  qu'ils  soyent  sortis  de  la  maison