8:105  105  SUR  L'ELECTION  ETERNELLE.  106  semble.  Ceux-la  n'ont  point  cognu  le  vice  qui  estoit  cache  en  eux.  Quand  ils  diront:  O,  ie  crain  que  ce  ne  soit  accuser  Dieu  de  cruaute,  quand  ie  diray,  qu'il  n'eslit  point  tous  hommes  en  general:  on  leur  peut  respondre:  Mon  amy,  tu  monstres  par  cela,  que  tu  as  un  orgueil  cache  en  ton  coeur;  que  tu  n'as  point  encores  cognu  l'hypocrisie  qui  est  en  toy.  Et  la  raison?  Regardons  ce  que  dit  sainct  Paul  au  14.  des  Romains,  quand  il  parle  qu'il  ne  nous  faut  point  iuger  les  uns  des  autres,  sinon  que  nous  soyons  enseignez  de  Dieu.  (Rom.  14,  10.13.)  Or  il  parle  la,  non  point  des  pechez  qui  sont  desia  condamnez,  et  desquels  nous  avons  la  sentence  que  Dieu  en  a  donnee,  mais  des  choses  indifferentes  :  la  nous  ne  devons  point  iuger  les  uns  des  autres.  Car  il  nous  faudra  (dit-il)  trouver  devant  le  siege  iudicial  de  Dieu.  Nous  sommes  freres,  et  pour  tant  il  ne  faut  point  [page  3  1]  que  nous  presumions  de  damner  ou  sauver,  pour  dire:  Celuy-la  tombera,  pource  qu'il  fait  mal;  ou  celuy-la  sera  releve  du  tout,  pource  que  ie  diray,  il  fait  bien.  Non,  non,  il  faut  que  nostre  Seigneur  Iesus  nous  iuge:  et  tout  ainsi  qu'il  nous  abbat,  qu'il  nous  releve  aussi;  comme  ceste  puissance-la  luy  est  donnee  de  Dieu  son  Pere.  Si  sainct  Paul  ne  veut  point  que  nous  prenions  ceste  hardiesse  de  iuger  ainsi  les  uns  des  autres,  pensons,  ie  vous  prie,  quand  nous  viendrons  nous  eslever  a  l'encontre  de  Dieu,  que  nous  ne  voudrons  point  qu'il  soit  cognu  iuste,  sinon  que  nous  ne  le  cognoissions  tel,  que  la  raison  nous  soit  apparente:  quel  argument  est  cela?  Or  tels  sont  tous  ceux  qui  disent:  Ie  crain  que  Dieu  soit  iniuste  en  ce  faisant.  Tu  crains  que  Dieu  soit  iniuste,  sinon  que  Dieu  s'assubietisse  a  toy,  sinon  que  tu  le  contrerolles,  sinon  que  tu  entendes  la  raison  pour  quoy  il  fait  telle  chose,  voire  comme  s'il  estoit  ton  inferieur.  Et  quelle  arrogance  est  cela?  Or  il  est  vray,  que  beaucoup  ne  cognoissent  pas  ce  vice-la  en  eux,  mais  il  faut  venir  la-dedans  a  ceste  racine.  Et  ne  [page  32]  faut  point  icy  amener  nos  questions  frivoles,  pour  dire:  Ie  ne  say  si  Dieu  est  iuste:  qu'il  me  monstre  comment  et  pourquoy.  Mais  quand  nous  ne  cognoissons  pas  son  conseil,  que  nous  n'avons  pas  un  esprit  si  haut,  pour  parvenir  iusques  la,  que  nous  puissions  dechiffrer  pourquoy4  il  fait  toutes  choses:  il  nous  faut  cheminer  en  humilite  iusques  au  iour  que  le  livre  sera  ouvert,  comme  il  en  est  parle  en  Daniel.  Alors  (dit  l'Escriture)  nous  verrons  ce  que  nous  concevons  maintenant  par  la  foy,  pourquoy  c'est  que  Dieu  a  esleu  Iacob,  pourquoy  c'est  qu'il  a  reprouve  Esan,  et  pourquoy  il  dispose  ainsi  des  hommes;  nous  verrons,  di-ie,  la  raison  pourquoy.  Mais  maintenant,  contentons-nous  que  Dieu  est  iuste,  et  sachons  mesme  qu'il  est  la  fontaine  de  toute  sagesse,  de  toute  equite  et  de