7:105  105  CONTRE  LES  ANABAPTISTES.  106  estre  verifiee  que  Iesus  Christ  ne  soit  descendu  de  la  rasse  d'Abraham.  Pareillement  quand  il  fut  dict  a  David:  Ie  colloqueray  sur  ton  siege  le  fruict  de  ton  ventre,  pour  regner  eternellement  (Ps.  132,  ll  et  89,  28  suiv.).  Et  aussi  quand  en  un  mesme  sens  il  est  conferme  par  le  Prophete  Esaie  (Ies.  l  l  ,  1),  qu'il  sera  comme  un  bourgeon  procedant  de  la  racine  d'Isai.  Nous  savons  que  cela  ne  peut  estre  autrement  entendu,  que  du  mesme  Redempteur  qui  avoit  este  promis  a  Abraham.  Il  faut  donc  qu'il  soit  de  la  lignee  de  David,  selon  la  generation  de  la  chair:  ou  la  promesse  seroit  frustratoire,  [page  115]  Pourtant  sainct  Matthieu  voulant  reciter  la  genealogie  d'iceluy,  commence  par  la,  en  le  nommant  filz  de  David,  filz  d'Abraham  (Matth.  1,  1):  afin  de  specifier  plus  expressement  que  c'est  celuy  mesme  qui  avoit  este  promis.  Et  de  faict,  c'estoit  une  forme  de  parler  toute  commune  et  usitee  entre  le  peuple  Iudaique,  de  l'appeller  ainsi:  comme  nous  voyons  par  les  Evangelistes  (Matth.  9,  27;  12,  23;  15,  22;  20,  30;  21,  9.  15;  22,  42  etc).  A  tout  cela  les  Anabaptistes  donnent  une  solution,  laquelle  seule  monstre  suffisamment  quelles  bestes  ce  sont,  et  combien  leur  impudence  est  desesperee.  Il  est,  disent-ilz,  nomme  filz  de  David,  non  pas  qu'il  ait  rien  prins  de  la  vierge  Marie,  ne  qu'il  ait  este  faict  homme  de  sa  substance:  mais  seulement  qu'elle  l'a  porte  en  son  corps,  comme  l'eaue  passe  par  un  canal.  Cela  se  pourroit  dire,  si  ce  mot  de  semence  n'estoit  point  exprime.  Combien  a  la  verite  que  tous  hommes  de  bon  iugement  verroyent  que  ce  seroit  un  subterfuge.  Toutesfoys  il  y  auroit  un  petit  plus  de  couleur  ou  d'umbrage.  1)  Mais  puis  que  tant  souvent  cela  est  reitere,  qu'il  est  de  la  semence  d'Abraham:  quelle  cavillation  reste-il  plus,  pour  nier  qu'il  soit  vray  homme?  Et  de  faict  quand  Esaie  promet  qu'il  viendra,  il  ne  dit  pas  seulement  qu'il  sera  enfante  d'une  vierge:  mais  il  met  premierement  [page  116]  qu'il  sera  conceu  (Ies.  7,  14).  Ceste  conception  emporte,  qu'il  devoit  estre  forme  de  sa  semence:  comme  ceux  qui  congnoissent  la  signification  du  mot,  peuvent  bien  iuger.  D'avantage,  sainct  Paul  les  presse,  encore  d'avantage,  quand  il  dit,  qu'il  a  este  faict  de  la  semence  de  David  selon  la  chair,  et  a  este  neantmoins  declare  filz  de  Dieu  par  sa  puissance  (Rom.  1,  3).  Voila  Iesus  Christ  prononce  d'un  coste  filz  de  Dieu:  puis  il  est  adiouste,  que  selon  sa  nature  humaine  il  est  de  la  rasse  de  David.  Ne  faut-il  pas  qu'un  homme  soit  bien  enrage,  de  clorre  les  yeux,  et  boucher  les  aureilles  a  tout  cela,  pour  persister  et  maintenir  au  contraire  que  Iesus  Christ  n'a  rien  de  la  nature  des  hommes,  quant  a  la  sub-  1)  integumenti.