6:105  CATECHISMUS  GENEVENSIS.  L'ENFANT.  Ouy.  Car  le  diable  veille  tousiours  sur  nous,  comme  un  lion  rugissant  (1  Pierre  5,  8),  prest  a  nous  devorer:  et  nous  sommes  si  foibles  et  fragiles  qu'il  nous  auroit  incontinent  abbatu,  si  Dieu  ne  nous  fortifioit,  pour  en  avoir  la  victoire.  LE  MINISTRE.  Que  signifie  le  mot  de  tentation?  L'ENFANT.  Les  astuces  et  tromperies  du  diable,  dont  il  use  pour  nous  surprendre,  selon  que  nostre  sens  naturel  est  enclin  a  estre  deceu,  et  nous  decevoir:  et  nostre  volunte  est  plustost  preste  de  s'adonner  au  mal  qu'au  bien.  LE  MINISTRE.  Mais  pourquoy  demandes-tu  a  Dieu  qu'il  ne  t'induise  point  au  mal,  veu  que  cela  est  le  propre  office  du  diable?  L'ENFANT.  Comme  Dieu  par  sa  misericorde  conserve  ses  fideles,  et  ne  permet  que  le  diable  les  seduise,  ne  que  le  peche  les  surmonte,  aussi  ceux  qu'il  veut  punir,  non  seulement  il  IOB  abandonne,  et  retire  *)  sa  grace  d'eux  :  mais  aussi  les  livre  au  diable,  pour  estre  subiectz  a  sa  tyrannie,  les  aveugle  et  les  met  en  sens  reprouve.  LE  MINISTRE.  Que  veut  dire  ceste  addition:  Car  a  foy  est  le  Regne,  la  gloire  et  la  puissance,2)  aux  siecles3)  des  siecles?  L'ENFANT.  Pour  nous  reduire  de  rechef  en  memoire,  que  noz  oraisons  sont  plustost  fondees  en  Dieu  et  en  sa  puissance  et  bonte,  que  non  pas  en  nous,  qui  ne  sommes  pas  dignes  d'ouvrir  la  bouche  pour  le  requerir.  Et  aussi  pour  nous  apprendre  de  clorre  toutes  noz  prieres  par  sa  louenge.  LE  MINISTRE.4)  N'est-il  licite  de  demander  autre  chose,  [fol.  54]  sinon  ce  qui  a  este  recite?  L'ENFANT.  Combien  qu'il  nous  soit  libre  d'user  d'autres  parolles,  et  d'autre  forme  et  maniere,  si  est-ce  que  nulle  oraison  ne  sera  iamais  aggreable  a  Dieu,  laquelle  ne  se  rapporte  a  ceste  cy,  comme  a  la  reigle  unique  de  bien  prier.