58:105  105  DE  IACOB  ET  ESAU.  106  est  vray  que  nous  confesserons  qu'il  lui  appartient  de  s'enquerir  des  pensees  ksecrettes  et  que  rien  ne  lui  est  cache:  mais  si  est  ce  que  nous  le  traitons  a  la  facon  des  hommes:  et  qui  pis  est,  nous  le  voulons  faire  passer  par  tout,  et  lui  voulons  bander  les  yeux:  et  nous  iouerons  plus  hardiment  avec  lui,  qu'avec  les  hommes.  Car  encores  que  nous  aions  des  subterfuges,  qui  nous  pourroient  retirer  de  blasme,  tant  y  a  qu'encore  avons  nous  quelques  remords,  cognoissans,  Les  autres  n'en  iugeront  pas  ainsi:  cestui-ci  n'est  pas  beste,  il  pourra  cognoistre  mon  astuce.  Quand  donc  nous  avons  deguise  nos  propos,  tousiours  nous  serons  en  doute  si  les  hommes  sont  satisfaits  ou  non.  Quand  il  est  question  de  Dieu,  nous  ne  faisons  que  torcher  nostre  bouche,  ou  plustost  nostre  museau:  car  nous  sommes  comme  bestes,  et  pires  encores  en  cest  endroit  la.  Or  d'autant  plus  nous  faut-il  retenir  ceste  doctrine:  c'est  assavoir,  que  Dieu  ne  s'arreste  pas  a  toutes  nos  belles  couleurs:  car  ce  ne  sont  que  couvertures  de  fueilles:  et  cela  n'a  pas  excuse  nostre  pere  Adam,  qu'il  ne  soit  venu  a  conte.  Que  faut-il  donc?  Qu'en  simplicite  nous  recognissions  tellement  nos  fautes,  que  nous  soions  les  premiers  nos  iuges:  et  quand  nous  trouverons  qu'il  y  a  eu  quelque  facon  oblique  et  tortue,  que  nous  sachions  que  cela  desplaist  a  Dieu.  Car  voila  l'intention  d'Isaac,  c'est  de  cacher  son  mariage.  Il  est  vray  que  les  mots  dont  il  use,  ne  sont  pas  pour  le  faire  appeler  menteur:  mais  tant  y  a  qu'il  y  a  mensonge  en  luy.  Et  pourquoy?  Car  il  ne  veut  point  confesser  son  mariage:  mais  veut  qu'il  soit  incognu,  et  qu'on  ne  pense  pas  que  Eebecca  soit  sa  femme.  Voila  donc  en  somme  ce  que  nous  avons  a  retenir:  C'est  que  quelques  paroles  que  nous  aions  en  la  bouche,  que  rien  ne  nous  peut  iustifier,  sinon  que  nostre  affection  soit  pure  et  droite,  et  que  nous  n'allions  point  par  des  chemins  obliques,  pour  nous  esgarer  ca  et  la.  Et  quand  S.  Paul  aussi  condamne  le  mensonge,  il  aiouste,  Que  chacun  parle  en  verite  avec  ses  prochains.  Quand  donc  nous  y  procederons  ainsi,  voila  comme  nous  serons  reputez  et  tenus  veritables  devant  Dieu.  Mais  s'il  y  a  des  finesses  et  astuces,  et  que  nous  taschions  de  faire  qu'on  ne  cognoisse  pas  ce  que  nous  disons,  et  qu'on  y  soit  embrouille  et  entortille,  comme  si  nostre  langue  estoit  double:  en  cela  nous  sommes  condamnez  desia  pour  menteurs.  C'est  donc  en  somme  ce  que  nous  avons  a  retenir  sur  ce  poinct.  Or  quand  il  est  dit,  Qu1  Isaac  a  craint  qu'il  ne  fut  tue  a  cause  de  sa  femme,  II  n'y  a  nulle  doute  qu'il  en  pouvoit  prendre  occasion,  voiant  (comme  Abraham  son  pere  allegoit)