52:105  105  CAPUT  II.  106  orsum  cancellos  nolis  circumdari,  ne  a  Christo  vel  tantillum  divertat  fides  nostra.  11.  In  quo  etiam  estis  circumcisi  Hinc  apparet  disceptationem  illi  esse  cum  pseudoapostolis,  qui  legem  evangelio  miscebant,  eoque  modo  Christum  quasi  Informem  fingebant.  Speciem  vero  unam  nominat,  exempli  causa.  Circumcisionem  mosaicam  non  supervacuam  modo,  sed  a  Christo  alienam  esse  probat,  quia  destruat  spiritualem  Christi  circumcisionem.  Nam  in  hunc  finem  data  fuit  circumcisio  patribus,  ut  figura  esset  rei  absentis.  Qui  igitur  post  Christi  adventum  retinent  illam  figuram,  completum  fuisse  negant  quod  figurat.  Meminerimus  ergo  circumcisionem  externam  hic  cum  spirituali  conferri,  non  secus  ac  figuram  cum  veritate.  Figura  est  rei  absentis.  Ergo  praesentiam  veritatis  abolet.  Hoc  est  quod  contendit  Paulus,  quia  in  Christo  completum  est.  quod  circumcisione  manufacta  adumbratum  fuit,  nullum  esse  nunc  huius  fructum  nec  usum.  Ideo  circumcisionem  Christi  esse  pronuntiat,  quae  fit  in  corde:  et  ideo  externam  illam  minime  iam  requiri,  quia  ubi  res  exstat,  evanescit  umbratile  illud  signum  quod  locum  non  habet  nisi  in  rei  absentia.  Exuendo  corpus.  Corpus  appellat  massam  ex  omnibus  vitiis  conflatam,  eleganti  metaphora.  Nam  sicuti  corporibus  nostris  sumus  circumdati:  ita  etiam  obvoluti  undique  sumus  congerie  vitiorum.  Et  sicuti  corpus  ex  variis  membris  est  compositum,  quae  singula  proprias  suas  actiones  et  officia  habent:  ita  ex  illa  vitiositatis  congerie  se  esxerunt  omnia  peccata  tanquam  membra  universi.  Similis  est  loquutio  ad  Romanos  capite  6,  13.  Carnem  suo  more  accipit  pro  natura  corrupta.  Est  ergo  corpus  peccatorum  carnis  vetus  homo  cum  suis  operibus.  Tantum  in  ratione  loquendi  est  diversitas:  quia  proprie  hic  massam  vitiorum  exprimit,  quae  emergunt  ex  natura  corrupta.  Hoc  per  Christum  nos  dicit  consequi,  ut  certe  tota  regeneratio  eius  est  beneficium.  Ille  est  qui  praeputium  cordis  nostri  circumcidit,  hoc  est,  qui  omnes  carnis  concupiscentias  mortificat,  non  manu,  sed  spiritu  suo.  Ergo  in  eo  exstat  veritas  figurae.  12.  Consepulti  cum  ipso  per  baptismum.  Declarat  etiamnum  apertius  modum  spiritualis  circumcisionis:  nempe  quia  Christo  consepulti,  consortes  sumus  mortis  eius.  Id  nominatim  nos  consequi  per  baptismum  docet:  quo  melius  pateat^  nullum  esse  usum  circumcisionis  sub  regno  Christi.  Poterat  enim  alioqui  obiicere  quispiam,  Cur  circumcisionem  aboles  hoc  praetextu,  quia  effectus  eius  sit  in  Christo?  Annon  etiam  spiritualiter  circumcisus  fuit  Abraham?  Atqui  hoc  minime  obstitit  quominus  signum  rei  adderet.  Non  est  igitur  supervacua  externa  circumcisio,  etiamsi  interior  per  Christum  conferatur.  Eiusmodi  obiectionem  anti-