51:105  105  SUR  L'EPITRE  AUX  GALATES.  106  met  en  main  de  quoy  subvenir  a  nos  prochains.  Et  en  cela  desia  il  nous  donne  quelque  marque  qu'il  nous  advoue  pour  ses  enfans  :  si  nous  pouvons  communiquer  de  ce  qu'il  nous  a  donne  a  ceux  qui  en  ont  faute,  c'est  une  marque  de  son  image  qu'il  met  en  nous.  Or  donc,  quand  nous  sommes  disposez  a  servir  ceux  qui  demandent  nostre  aide,  quand  nous  avons  de  quoy,  et  quelque  moyen,  voila��  Dieu  qui  nous  fait  autant  d'honneur.  Et  nous  ne  scavons  pas  si  ce  loisir-la  nous  durera  tousiours:  car  nous  voyons  comme  il  ravit  le  bien  a  ceux  qui  veulent  tout  engloutir  :  et  ceux  qui  sont  comme  des  gouffres,  nous  voyons  comme  il  les  despouille  miserablement  et  faut  qu'ils  demandent  aide,  et  ne  soyent  point  exaucez  pour  ce  qu'ils  ont  este  si  pleins  de  cruaute  qu'ils  n'ont  eu  nulle  compassion  de  ceux  qui  venoyent  au  secours  a  eux.  Puis  qu'ainsi  est,  notons  que  nostre  vie  est  briefve,  et  qu'elle  se  passe  bientost,  et  que  les  occasions  de  bien  faire  s'escoulent.  Et  pourtant  employons-nous  cependant  que  nostre  Seigneur  nous  en  donne  le  moyen,  voire  envers  tous  (dit  sainct  Paul)  mais  principalement  envers  les  domestiques  de  la  foy.  Or  quand  il  dit  envers  tous,  c'est  pour  monstrer,  encores  que  les  hommes  nous  degoustent  de  leur  bien  faire,  que  nous  ne  laissions  pas  de  leur  faire  ainsi  que  Dieu  nous  commande.  Car  (comme  i'ay  desia  touche)  il  ne  faut  point  regarder  quel  est  un  chacun,  et  ce  qu'il  merite  :  mais  il  nous  faut  monter  plus  haut,  c'est  que  Dieu  nous  a  mis  au  monde  a  telle  fin  que  nous  soyons  unis  et  conioints  ensemble.  Et  d'autant  qu'il  a  imprime  son  image  en  nous,  et  que  nous  avons  une  nature  commune,  que  cela  nous  doit  inciter  a  subvenir  les  uns  les  autres.  Car  il  faut  que  celuy  qui  se  voudra  exempter  de  subvenir  a  ses  prochains  se  deffigure,  et  qu'il  declare  qu'il  ne  veut  plus  estre  homme:  car  cependant  que  nous  serons  creatures  humaines,  il  faut  que  nous  contemplions  comme  en  un  miroir  nostre  face  en  celuy  qui  sera  poure  et  mesprise,  qui  n'en  pourra  plus,  et  qui  gemira  sous  le  fardeau,  et  fust-il  le  plus  estrange  du  monde.  Qu'il  y  vienne  quelque  Maure  ou  quelque  Barbare,  si  est-ce  qu'estant  homme,  il  apporte  quant  et  quant  un  miroir  auquel  nous  pouvons  contempler  qu'il  est  nostre  frere  et  nostre  prochain:  car  nous  ne  pouvons  pas  abolir  l'ordre  de  nature  que  Dieu  a  establi  pour  estre  inviolable.  Ainsi  donc  nous  sommes  obligez  sans  discretion  envers  tous  hommes,  d'autant  que  nous  sommes  une  mesme  chair,  comme  le  Prophete  Isaie  en  parle  58  b.  7.  Tu  ne  mespriseras  point  ta  chair,  comme  s'il  disoit  que  ceux  qui  sont  chiches  et  espargnent,  et  qui  se  retirent  quand  il  est  question  de  bien  faire,  non  seulement  ils  despitent  Dieu  et  reiettent  sa  parole:  mais  que  ce  sont  des  monstres,  d'autant