31:105  105  PSALMUS  IX.  106  vero  non  fortuito  cecidisse,  sed  opus  Dei  et  illustre  iudicii  eius  specimen  esse  affirmat.  Porro  non  temere  venatoribus  vel  aucupibus  comparat  hostes  suos,  quamvis  enim  violentia  et  impetu  saepe  grassentur  impii,  semper  tamen  fraudibus  et  obliquis  artificiis  patrem  suum  Satanam  imitantur,  qui  mendacii  pater  est:  itaque  quidquid  habent  ingenii,  ad  malitiam  et  noxia  consilia  deflectunt.  Quoties  ergo  dolose  perniciem  nobis  machinantur  impii,  veniat  nobis  in  mentem,  minime  novum  esse  si  Dei  filiis  retia  et  laquei  tendantur.  Simul  autem  consolatio  haec  succurrat,  quidquid  tentent,  eventum  non  esse  in  eorum  manu,  sed  Deum  illis  adversum  fore:  non  modo  ut  eos  frustretur,  sed  etiam  ut  deprehendat  in  pravis  consiliis  quae  sibi  fabricant:  omnesque  eorum  copias  convertat  in  ipsorum  capita.  17.  (Notus  est  Iehova  iudicium  faciendo.)  Sic  ad  verbum  legitur:  Cognitus  Iehova  iudicium  fecit:  sed  abrupta  eat  oratio,  quam  obscuram  reddit  brevitas:  ideoque  duobus  modis  exponitur.  Quidam  enim  exponunt,  tum  demum  cognosci  Deum,  ubi  poenas  de  improbis  exigit.  Sed  alter  sensus  melius  quadrat,  palam  esse  et  omnibus  manifestum,  quoties  impios  illaqueat  sua  malitia,  Deum  iudicis  partes  implere.  In  summa,  quoties  contra  illos  retorquet  Deus  quascunque  excogitant  nocendi  artes,  iudicium  eius  magis  illustre  esse  praedicat,  quam  ut  vel  naturae  vel  fortunae  adscribi  queat.  Nos  vero,  si  quando  Deus  manus  suae  virtutem  clare  exserat,  discamus  aperire  oculos  ut  fidem  nostram  confirment  iudicia  quae  contra  ecclesiae  hostes  exercet.  Cur  interposita  sit  vox  Higaion,  quae  proprie  meditationem  significat,  non  alia  magis  probabilis  ratio  mihi  occurrit,  quam  quod  pias  mentes  retinere  voluit  David  in  meditandis  Dei  iudiciis.  Eodem  spectat  vox  Selah:  quam  alibi  diximus  sic  cantum  temperasse,  ut  ipsa  modulatio  rei  et  argumento  congrueret.  18.  Convertentur  impii  in  infernum:  omnes  gentes  oblitae  Deum.  19.  Quia  non  in  aeternum  oblivioni  erit  pauper:  spes  humilium  non  usque  peribit  18.  (Convertentur.)  Multi  in  optativo  transferunt  Convertantur,  ac  si  esset  imprecatio  :  sed  potius  (meo  iudicio)  se  et  alios  omnes  pios  David  in  posterum  confirmat,  quidquid  conentur  scelerati,  ipsis  infeliciter  cessurum  pronuncians.  Convertendi  verbo  alium  quam  putent  exitum  eos  manere  significat,  subest  enim  tacita  antithesis  inter  altitudinem  audaciae  et  ruinam.  Quia  enim  nullo  Dei  metu  tenentur,  sese  efferunt  supra  nubes.  Deinde  quasi  illis  foedus  esset  cum  morte,  (quemadmodum  dicit  Iesaias  28,  15.)  multo  superbius  insolescunt,  dum  ipsos  tam  secure  furere  videmus,  admonet  Propheta  praecipites  amentia  ferri,  ut  tandem  in