30:105  105  IN  I.  LIB.  SAMUEL.  CAP.  XV.  106  vanas  excusationes  et  effugia  quaeramus,  quibus  vitia  tegere  posse  nos  speremus:  sed  potius  cum  silentio  reorum  instar  causae  nostrae  determinatio  exspectanda.  Neque  istud  acerbe  molesteque  ferre  nos  oportet,  quandoquidem  magnopere  ad  salutem  nostram  conducit.  Caeterum  haec  odia  et  similem  pugnam  suscipiant  necesse  est,  quotquot  proximos  de  peccatis  arguere  instituunt,  prout  sunt  homines  mendacio  et  vanitati  dediti:  atque  adeo  hebetes  ut  veluti  quaedam  repagula  velle  Deo  obiicere  videantur,  quo  ipsorum  peccata  occultentur.  Verum  quicunque  alium  reprehendere  cogitat  in  Dei  mandata  peccantem,  oportet  animum  obfirmet,  ne  reluctanti  cedat,  sed  potius  pro  virili  pergat  peccata  detegere,  et  increpare:  ac  docere  longe  falli  opinione,  qui  Deum  velit  fallere,  cuius  verbum  est  immutabile:  ac  proinde  nimium  impudentes  esse,  qui  adversus  illud  audeant  responsare,  siquidem  illius  commodis  et  utilitati  studet,  quum  docet  peccatores  sub  potente  manu  Domini  humiliari,  seque  ipsius  tutelae  submittere.  Necessaria  sane  doctrina  ista  est  ex  hoc  loco  eruenda,  quo  Samuel  ita  Saulem  compellavit:  Sine  rne,  et  indicabo  tibi.  Ex  quibus  verbis  amplius  apparet  homines  neque  posse  neque  debere  Deum  loquentem,  et  liberrime  ipsos  arguentem  impedire.  Et  praeterea  licet  cum  Deo  contenderint,  nihilominus  tamen  adversum  se  sententiam  latum  iri.  Conspicuum  istud  est  Adami  et  Evae  parentum  nostrorum  exemplis,  quae  superius  attuli:  qui  quidem  pro  sua  virili  sese  occultare  studuerunt,  sed  ficulnea  tantum  adhibuerunt  folia:  deinde  alter  in  alterum  culpam  reiecerunt,  sed  irrito  conatu.  Numquid  enim  propterea  minus  adversus  ipsos  lata  sententia  est  a  Domino?  Sane  vir  quidem  in  uxorem  omnem  culpam  reiiciens  sese  poenae  subducere  conatus  est,  deceptum  se  a  muliere  causatus.  Sed  nihilo  minus  a  Deo  condemnatus  est.  Femina  vero  serpentem  veluti  autorem  peccati  accusavit:  sed  vel  invitam  oportuit  a  Domino  condemnari.  Quare  illos  decebat  in  solam  suam  rebellionem  qua  defecerant  a  Domino  intuentes,  nullam  excusationem  praetexere.  Istos  in  hac  responsione  Saul  imitatur.  Nam  etsi  magnum  et  speciosum  quiddam  prae  se  tulit  ne  posset  condemnari,  perrexit  tamen  acrius  instare  propheta,  fucumque  tollere,  ut  Saul  non  modo  nihil  promoverit  obloquendo,  sed  potius  deteriorem  causam  suam  fecerit  adversus  Deum  sese  obfirmando.  Caeterum  hic  observandum  Samuelem  exprobrare  Sauli  non  interfectos  a  se  quos  Deus  iusserat.  Qua  in  re  severior,  ut  ante  dictum  est,  Dei  sententia  videri  posset.  Nam  quare  tanta  saevitia  et  immanitate  homines  sine  misericordia  tollerentur?  Et  praeterea  quomodo  peccati  unius  vindictam,  etiam  in  aliquot  ante  saecula  natos  eos  qui  ad  lanienam  trahebantur  admissi,  distulit?  Nae  videretur