27:105  105  SUR  LE  DEUTER.  CHAP.  XI.  106  voye  a  tout  cela,  ne  devons-nous  pas  estre  mieux  informez  qu'il  regarde  tousiours  a  nous,  et  que  iamais  il  ne  nous  met  en  oubli,  et  que  c'est  tout  au  long  de  l'an  qu'il  nous  est  pere?  Comme  un  homme  qui  penseroit  a  sa  maison,  il  se  levera  tous  les  iours  de  matin  pour  travailler:  et  puis  apres  avoir  fait  sa  besongne,  il  regarde  encores  s'il  y  a  quelque  chose  de  reste,  d'y  mettre  ordre:  et  puis  il  advise  de  dispenser  ce  qui  luy  est  donne,  en  sorte  que  le  profit  en  revienne  a  tout  son  mesnage.  Ainsi  Dieu  se  monstre  un  pere  de  famille  envers  nous,  qu'il  ne  cesse  et  de  soir  et  de  matin  de  veiller  pour  nostre  profit:  non  point  qu'il  luy  faille  travailler  a  la  facon  des  hommes:  mais  tant  y  a  qu'il  nous  fait  sentir  quoy  qu'il  en  soit,  qu'il  nous  est  plus  que  pere  nourricier:  et  nous  sommes  bien  aveugles  et  brutaux  si  nous  ne  cognoissons  cela.  Voila  donc  comme  nous  avons  a  prattiquer  ceste  doctrine  de  Moyse:  que  nous  rendions  graces  a  nostre  Dieu,  selon  la  variete  des  temps  que  nous  appercevons.  Et  quand  il  a  proveu  a  toute  l'annee,  que  nous  sachions  qu'il  a  eu  pitie  de  nous,  et  qu'il  nous  a  regarde,  et  que  iamais  son  oeil  ne  s'est  destourne  de  ce  qui  nous  faloit,  afin  que  nous  en  fussions  fournis,  et  proveus.  Au  reste,  ce  n'est  point  assez  que  nous  remercions  Dieu,  quand  nous  aurons  ainsi  senti  sa  bonte:  mais  comme  Moyse  prononce,  que  ses  yeux  sont  tousiours  sur  les  terres  ou  il  y  a  montagnes  et  vallees,  et  la  ou  on  n'a  point  les  eaues  a  commandement,  pour  faire  des  trenchees  et  des  canaux  pour  arouser  comme  les  iardins.  Quand  nous  pensons  a  cela,  que  nous  sachions  qu'il  faut  que  tousiours  Dieu  ait  les  yeux  sur  nous,  afin  que  nous  les  ayons  aussi  dressez  a  luy  pour  l'invoquer,  et  pour  avoir  nostre  refuge  a  luy  tout  au  long  de  l'annee:  et  quand  il  nous  aura  donne  une  bonne  saison,  que  nous  le  prions  qu'il  continue  iusques  en  la  fin,  selon  que  nous  en  aurons  besoin:  et  que  nous  soyons  incitez  par  chacun  iour  a  faire  le  semblable.  Or  au  contraire  nous  voyons  nostre  nonchalance:  car  quasi  nous  despittons  Dieu,  quand  les  choses  nous  viennent  bien  a  propos:  si  nous  voyons  qu'il  y  ait  eu  de  belles  seinailles  :  Or  sus  grand  chere,  voila  les  semailles  qui  sont  bonnes:  nous  aurons  donc  bonne  moisson:  et  nous  sommes  tous  esbahis  que  Dieu  nous  retranche  nos  ioujrjpeaux  a��  cause  d'une  telle  ingratitude.  Et  quelle  villenie  est  cela?  Dieu  a  l'oeil  sur  nous,  et  cependant  nous  luy  fermons  les  yeux,  nous  regimbons  a  4'^ncontre,  et  nous  mocquons  de  luy:  et  pensons-nous  qu'il  doive  ne  puisse  porter  une  telle  brutalite?  C'est  bien  pour  le  moins  que  nous  luy  respondions,  quand  il  commence,  pour  dire:  Or  ca  mes  enfans,  ie  vous  regarde,  i'ay  le  soin  de  vous,  afin  de  vous  prouvoir  de  vostre  nourriture.  Quand  nostre  Seigneur  commence  ainsi,  que  de-