22:105  105  INSTITUTION  PUERILE  DE  LA  DOCTRINE  CHRESTIENNE.  106  Le  maistre.  Qu'est  ce  que  le  Baptesme?  Lenfant.  Cest  le  lavement  de  regeneration  et  nettoyement  de  peche.  Le  maistre.  De  quelles  parolles  use  lon  en  donnant  le  Baptesme  ?  Lenfant.  De  celles  cy:  Ie  te  baptise  au  nom  du  Pere  et  du  filz  et  du  sainct  Esprit.  Le  maistre.  Quel  est  le  sens  de  ces  parolles?  Lenfant.  Il  est  tel:  Ie  te  lave  affin  que  tu  soys  faict  filz  de  Dieu  par  le  commandement  et  volunte  de  Dieu  le  Pere  filz  et  sainct  Esprit.  Le  maistre.  Quel  fruict  recoys  tu  de  cecy?  Lenfant.  Tresgrand,  car  ce  nest  pas  petite  chose  si  ie  impetre  remission  de  mes  pechez,  si  ie  acquiers  avecques  mon  sauveur  Christ  une  vie  nouvelle  et  eternelle,  si  ie  m'abstiens  de  tout  vice  et  aussi  si  ie  madonne  de  plus  en  plus  a  une  vie  nouvelle  et  celeste.  Le  maistre.  Que  ce  faict  il  davantaige  en  leglise?  Lenfant  Loffice  et  administration  des  clefz.  Le  maistre.  Comment  ce  faict  elle?  Lenfant.  En  punissant  les  pechez  et  les  reprimant  par  peine,  en  exterminant  ceux  qui  n'ont  point  desplai-