19:105  105  1561  NOVEMB.  106  console  l'eglise  qui  pour  lors  s'assemblent  de  nuit  en  maison  occulte,  je  me  retiray  en  ce  lieu  icy  ou  jestois  attendu.  De  vous  escrire  comment  j'ay  este  receu  des  gens  de  bien  je  ne  le  scauroys  faire  suffisamment.  Nostre  petite  eglise  croist  a  vue  d'oeil,  Dieu  mercy,  tellement  que  la  grange  qu'avons  par  faulte  de  temple  ne  nous  peult  plus  contenir.  De  plusieurs  lieux  circonvoisins  les  povres  gens  de  toutes  sortes,  signamment  des  gens  doeuvre  accourent  vers  nous  comme  affames  de  la  pasture  de  vie.  Nous  sommes  icy,  Dieu  mercy,  en  grande  liberte,  encores  que  nous  soyons  le  plus  petit  nombre,  nous  sommes  pourtant  les  maistres  en  tant  que  nous  avons  la  justice  pour  nous,  en  toutes  les  plus  grosses  testes.  Nous  nous  confions  en  Dieu  que  nous  aurons  tantost  le  reste.  Nostre  petit  trouppeau  a  receu  incontinant  la  discipline  ecclesiastique  qu'avons  desja  commence  a  prattiquer.  Nous  aurons  ii  diacres,  six  anciens  et  en  avons  aussi  donne  aux  fideles  de  deux  autres  paroisses  qui  se  sont  adjoint  a  nous.  Je  suis  loge  chez  le  recepveur  de  la  seigneurie,  jadis  presre  maintenant  chrestien  que  nous  marierons  en  brief.  Nous  ne  sejournons  guieres  a  la  maison,  ains  souvent  allons  luy  et  moy  escarmoucher  la  papaulte  d'ung  coste  et  d'aultre.  Le  cinq  de  ce  moys  je  sus  appele  a  Villemor  qui  est  une  petite  ville  a  deux  lieues  de  nous  pour  baptiser  ung  enfant,  plusieurs  des  nostres  me  firent  la  compagnie  avec  grand  nombre  des  circonvoisins.  Ce  que  les  chanoines  du  lieu  ayant  entendu  deserterent  de  grand  matin  leur  service  du  vin  et  apres  avoir  mis  leurs  Dieux  en  sauvete  gaignerent  a  pied  craignans  que  nous  leur  voulussions  faire  du  mal.  Ainsi  Dieu  les  estonna  tellement  que  ils  nous  laisserent  la  place  au  grand  mecontentement  de  la  populace.  Et  dans  lung  des  temples  je  f  eis  la  predication  puis  baptisay  lenfant  et  partismes  tous  de  la  en  sauvete,  ayant  premierement  dresse  la  leglise  laquelle  est  maintenant  jointe  a  la  nostre.  Aussi  je  avoys  este  a  Sens  le  22.  d'Octobre  la  ou  je  formay  ung  petit  commencement  d'eglise  laquelle  consolay  le  soir  dans  la  maison  dung  advocat  fort  homme  de  bien.  la  ou  nous  nous  trouvasmes  en  nombre  d'environ  30  personnes.  Le  lendemain  l'assemblee  fust  d'environ  cent  personnes  en  la  maison  dung  procureur.  Ils  me  vouloyent  retenir  dadvantage  avec  eulx,  mais  les  necessites  d'aultres  eglises  me  contraignirent  partir  plustost  mesme  que  je  neusse  voulu.  Jay  grande  esperance  de  ce  bien  la  de  Sens  sil  plaisoit  a  Dieu  leur  donner  quelque  homme  de  bien  et  docte  il  en  pourroit  advenir  beaucoup  de  fruict  en  tant  que  Sens  est  un  grand  baillage  et  a  des  villages  et  villettes  voysines  qui  sont  deja  fort  avances  en  la  parolle  de  Dieu.  Ils  mont  prie  tant  et  plus  leur  vouloir  donner  adresse  par  devers  vous,  pour  avoir  quelcun  pour  quelque  temps  en  attendant  que