9:104  dies  festi.l)  Et  tamen  Ioachimo  concidit  christianismus,  dissipatur  fraterna  communio,  schisma  nefarium  inducitur,  nisi  ex  kalendario  Hamburgensi  petatur  dierum  observatio.  Certe  Augustinus,  qui  deplorat  immodica  rituum  congerie  ecclesiae  libertatem  sua  aetate  fuisse  oppressam,  idem  palam  testatur  paucissimos  dies  festos  a  maioribus  fuisse  traditos:  ut  facile  appareat  in  correctione  ista,  quae  apud  nos  obtinet,  nihil  magis  fuisse  spectatum,  quam  ut  pura  illa  vetustas  renovaretur.  Quod  ad  sectiones  spectat,  satis  ex  omnibus  veterum  [pag.  134]  scriptorum  homiliis  constat  scripturae  libros  uno  contextu  ad  plebem  fuisse  expositos.  Ut  aliquid  ex  Evangelio  et  apostolicis  lectionibus  recitandum  excerperent  quod  tempori  congrueret,  mos  inolevit.  Hinc  sectiones  istae  pro  quibus  Westphalus  non  secus  ac  pro  aris  et  focis2)  dimicat:  quas  tamen  inepte,  nulloque  iudicio  factas  esse  lectio  coarguit.  Certe  si  fragmenta  sumi  oportuit,  quae  singulis  diebus  dominicis  legerentur,  longe  alio  delectu  opus  fuit.  Nec  modo  perperam  et  inconsiderate  lectiones  distribuit  quisquis  ille  fuit  sector,  sed  medias  interdum  sententias  nescio  qua  socordia  abrupit.  Ne  quis  tamen  putet  Westphalum  de  nihilo  excandescere,  monitos  esse  volo  lectores,  de  postillis  esse  sollicitum.  Quid  enim  sine  postillis  factura  esset  bona  pars  eorum,  quibus  se  venditat?  Luthero,  qui  rebus  adhuc  incompositis  se  ad  morem  vulgatum  accommodavit,  danda  venia  est:  imo  quod  ad  evangelium  spargendum  hoc  usus  est  compendio,  laudanda  est  eius  industria  et  sedulitas.  Sed  praepostero  ingenio  est  Westphalus,  qui  data  opera  in  eodem  luto  semper  haerere  volens,  Lutheri  rudimenta  [pag.  135]  praetexit:  ac  si  quis  rectam  viam  ingressus,  simul  ac  viae  monstrator  iter  suum  reflectit,  in  eodem  loco  pedem  obstinate  figens,  ultra  progredi  recuset.  Ergo  Westphalus  Martinalia  cum  papistis  celebrans,  Evangelia  et  Epistolas  ex  solenni  missarum  praescripto3)  cum  illis  decantet,  modo  nobis  liberum  sit  evangelii  doctrinam,  ut  eam  nobis  apostoli  tradiderunt,  in  usum  plebis  aptare.  Non  patitur  reprehensor  noster,  sed  tragice4)  exclamat,  bona  haud  dubie  intentione  diaboli  hoc  a  nobis  fieri,  ne  quid  boni  de  evangelio  reliquum  fiat.  Quasi  vero  perierit  evangelium,  nisi  in  frusta  laceretur.  Et  quisquam  adhuc  dubitabit  hominem  in  suo  recessu  nimis  esse  otiosum,  qui  laborantibus  negotium  de  nihilo  facessit?  Nisi  forte  excuset  se  quod  olim  minatus  est  Catilina  nunc  satagere,  ut  incendium  incendio  restinguat.  Nam  quia  dixeram  facem  dis-  1)  qu'on  leur  a  ordonne  certains  iours  et  festes.  2)  si  opiniatrement,  comme  si  en  ce  partage-la  consistoit  tout  l'estat  de  la  Chrestiente  et  du  monde.  3)  suyvant  le  beau  ioli  train  du  Messel.  4)  comme  un  fol.