8:104  Nous  devons  tousiours  rendre  graces  a  Dieu  (ditl'Apostre)  qui  nous  a  esleus  devant  la  constitution  du  monde,  voire  en  esprit  et  en  sanctification.  (2.  Thess.  2,  13.)  Comment  est-ce  que  la  sainct  Paul  rend  graces  a  Dieu?  Il  ne  dit  pas  seulement  de  ce  qu'ils  croyent,  mais  de  ce  que  Dieu  nous  a  esleus.  Et  puis  il  adiouste,  que  Dieu  les  a  esleus  pour  les  sanctifier  par  son  sainct  Esprit,  et  les  a  amenez  a  la  [page  28]  cognoissance  de  la  foy.  Comme  aussi  nous  l'avons  desia  traitte  en  ce  passage  des  Ephesiens,  qui  est  du  tout  conforme  a  cestuy-cy.  Or  il  y  a  des  obiections  qui  se  meuvent  au  contraire:  car  nous  savons  quelle  est  l'audace  des  hommes;  et  il  n'y  a  celuy  qui  n'en  ait  l'experience  en  soy,  qu'il  est  bien  difficile  de  dompter  nos  esprits,  tellement  que  nous  recevions  en  paix  et  humilite  tout  ce  qu'on  nous  declare.  Il  faut  qu'un  homme  soit  bien  matte  de  Dieu  devant  qu'il  se  reigle  la.  Voila  pourquoy  sainct  Iaques  nous  exhorte  de  recevoir  la  parole  de  Dieu  qui  nous  est  annoncee,  voire  avec  une  mansuetude,  avec  un  esprit  debonnaire.  Il  ne  se  faut  point  donc  esbahir  si  les  hommes  s'eslevent  contre  ceste  doctrine,  s'il  y  a  beaucoup  de  contradictions.  Mais  tant  y  a,  que  tous  ceux  qui  sont  enfans  de  Dieu  recoivent  ce  qu'ils  oyent  estre  procede  de  sa  bouche,  sans  aucune  contradiction,  pour  dire:  li  nous  faut  en  tenir  la,  car  Dieu  l'a  prononce.  De  faict,  voila  comment  Dieu  veut  esprouver  nostre  humilite.  Il  est  vray  que  [page  29]  toute  la  doctrine  de  l'Escriture  tend  bien  la:  mais  tant  y  a  qu'il  n'y  a  nulle  doctrine  si  propre  pour  humilier  les  hommes  que  ceste-cy,  c'est  assavoir,  que  nous  cognoissions  que  Dieu  nous  a  esleus  par  sa  bonte  gratuite,  voire  entant  qu'il  luy  a  pleu.  Pourtant  ces  obiections  qui  se  font,  doivent  estre  repoussees  par  ce  mot  seulement  de  l'authorite  de  Dieu:  assavoir  quelle  maistrise  et  preeminence  est-ce  qu'il  doit  avoir  par  dessus  nous.  Quand  nous  n'aurions  que  cela,  c'est  assez  pour  abbatre  tout  l'orgueil  de  ceux  qui  veulent  abbayer  contre  la  doctrine  que  nous  avons  en  l'Escriture  saincte  bien  resolue.  Et  c'est  aussi  pour  repousser  toutes  fantasies  meschantes  que  le  diable  nous  pourra  souffler  a  l'aureille,  comme  on  dit.  Ie  commenceray  par  ceux  qui  semblent  estre  modestes.  Et  de  faict,  on  trouvera  bien  aucuns  craignans  Dieu,  lesquels  toutesfois  pourront  avoir  quelque  scrupule  ou  quelque  doute  en  l'Esprit:  mais  tant  y  a  qu'ils  ne  sont  point  si  bien  rengez  en  l'obeissance  de  Dieu,  qu'il  n'y  ait  de  l'orgueil  cache  en  [page  30]  eux:  et  il  faut  que  Dieu  descouvre  leur  hypocrisie  qu'ils  avoyent  iusques  icy.  Car  ceux  qui  diront:  O,  voila,  ie  crain  de  faire  Dieu  iniuste,  quand  ie  diray  qu'il  a  esleu  ceux  que  bon  luy