50:104  praeibant  autoritate  et  consilio  primores  totamque  actionem  gubernabant:  plebs  autem  sciscebat.  19.  Quae  administratur  a  nobis.  Commendatione  ministerii  sui  Corinthios  magis  animat.  Dicit  se  gloriae  Dei  servire,  et  eorum  '��benignitati.  Unde  sequitur,  res  esse  coniunctas,  Dei  gloriam  et  ipsorum  munificentiam  :  neque  hanc  posse  cessare  quin  tantundem  illa  minuatur.  Accedit  talium  virorum  opera,  quam  repudiari  aut  otiosam  relinqui  perquam  absurdum  erat.  20.  Declinantes  hoc,  ne  quis.  Ne  quis  minus  honorifice  sensisse  de  Paulo  ecclesias  putaret:  ac  si  diffisae  eius  probitati  adiunxissent  socios,  ut  suspectis  hominibus  dari  solent  custodes:  pronuntiat  se  fuisse  autorem  huius  consilii,  ut  calumniis  occurreret.  Quaeret  hic  quispiam,  ecquis  tam  impudens  exstitisset,  qui  ausus  fuisset  vel  levissima  suspicione  tantum  virum  sugillare,  cuius  fides  extra  omnem  controversiam  ubique  esse  debebat?  Respondeo:  Ecquis  a  Satanae  morsibus  erit  immunis,  quum  ne  Christo  quidem  pepercerit?  En  Christus  impiorum  probris  exponitur:  et  servi  eius  erunt  in  tuto?  Imo  ut  quisque  integerrimus  est,  ita  machinis  omnibus  eum  adoritur  Satan,  si  qua  labefactare  eius  fidem  queat:  nam  inde  multo  gravius  offendiculum  emergeret.  Quamobrem  quo  altiore  gradu  sumus  collocati,  eo  diligentius  imitanda  est  nobis  Pauli  tum  circum  s  p  ec  tio,  tum  modestia.  Non  ita  elatus  erat  quin  se  vellet  cogi  in  ordinem,  quemadmodum  unus  quivis  ex  grege.  Non  ita  sibi  placebat,  ut  indignum  sua  persona  existimaret  vitare  calumnias.  Ideo  prudenter  declinabat  pericula  et  magnam  cautionem  adhibebat,  ne  quis  improbus  ansam  arriperet.  Et  certe  nihil  magis  patet  sinistris  obloquutionibus  quam  attrectatio  publicae  pecuniae.  21.  Procurantes  honesta.  Puto  non  defuisse  etiam  inter  Corinthios  qui  statim  prosiliissent  ad  maledicendum,  si  relicta  illis  fuisset  occasio.  Quare  rem  illis  notam  esse  voluit  ad  obstruenda  ubique  omnium  ora.  Testatur  ergo  se  non  tantum  bonae  coram  Deo  conscientiae  habere  curam,  sed  etiam  bonae  existimationis  apud  homines.  Neque  tamen  dubium  est  quin  suo  exemplo  tam  Corinthios  quam  omnes  docere  velit,  in  recte  factis  non  esse  negligendam  hominum  opinionem.  Primum  quidem  est,  dare  operam  ut  vir  bonus  sis:  quod  praestatur  non  externis  modo  operibus,  sed  recta  conscientia:  deinde,  ut  talem  homines,  quibuscum  versaris,  te  agnoscant.  Sed  finis  hic  spectandus.  Nihil  sane  ambitione  deterius,  quae  optima  quaeque  vitiat,  honestissima,  inquam,  deformat,  ac  suavissimi  odoris  sacrificia  foetere  facit  coram  Domino.  Quare  hic  lubricus  est  locus,  ne  quis,  simulans  so  bonae  existimationis  cum  Paulo  studiosum  esse,  longe  procul  absit  a  studio  Pauli.  Hic  enim  coram  hominibus  honesta  procuravit,  ne  quis  offenderetur  suo  exemplo,  sed