44:104  neant  oculi  vestri  in  huius  templi  intuitu.  Adhuc  igitur  hoc  unum  transeat:  sed  paulo  post  implebitur  domus  haec  gloria.  Quantum  ad  summam  rei  pertinet,  propheta  voluit  erigere  piorum  animos,  ne  putarent  virtutem  Dei  esse  exinanitam  si  nondum  praestaret  quod  ipsi  speraverant.  Denique  ne  aestiment  ex  praesenti  intuitu  quod  prius  dictum  fuerat  de  redemptione.  Nam  heri  diximus  ideo  fuisse  graviter  afflictos  piorum  animos,  quia  magnifice  concionati  fuerant  prophetae  tam  de  templo  quam  de  regno:  nullum  erat  tunc  regnum:  templum  vero  ignobilis  tugurii  simile  erat  potius,  quam  ut  aequaret  gloriam  prioris  templi.  Oportuit  igitur  hic  prophetam  occurrere:  haec  ratio  est  cur  iubeat  adspectum  transferre  ad  gloriam  adhuc  absconditam.  Adhuc  unum  hoc  exiguum,  inquit,  hoc  est,  non  est  cur  desperetis,  etiamsi  nondum  apparet  tanta  maiestas  templi,  quantam  vos  concepistis:  sed  potius  animi  vestri  transsiliant  ad  restitutionem,  quae  adhuc  procul  abest.  Adhuc  igitur  unum  modicum,  et  commovebo  coelum  et  terram.  Denique  hic  iubet  Deu��  locum  dari  patientiae,  donec  exserat  incredibilem  manus  suae  potentiam  in  solida  ecclesiae  instauratione.  Et  hoc  significat  coeli  et  terrae  concussio.  Est  autem  locus  insignis:  quanquam  Iudaei  ut  sunt  praeposteri,  quoties  agitur  de  regno  Christi,  corrumpunt  quidquid  hic  dicitur  a  propheta:  imo  fere  redigunt  in  nihilum.  Sed  apostolus  12.  ad  Hebraeos  cap.  (v.  26)  admonet  quid  hic  Deus  voluerit.  Nam  continet  hic  locus  tacitam  antithesin  inter  legem  et  evangelium,  inter  redemptionem,  cuius  nuper  facta  fuit  mentio,  et  quae  adhuc  speranda  erat,  fuitque  tandem  exhibita  Christi  adventu.  Deus  ergo  quum  populum  suum  redimeret  tam  ex  Aegypto,  quam  ex  Babylone,  commovit  terram.  Sed  propheta  hic  maius  aliquid  denuntiat,  quod  scilicet  Deus  coelum  et  terram  concutiet.  Sed  singula  ordine  tractanda  sunt,  ut  melius  nobis  constet  prophetae  sensus.  Dicit  primo  unum  hoc  esse  breve.  Libenter  ad  tempus  refero,  ne  discedam  a  communi  sententia.  Sed  non  est  hac  de  re  nobis  litigandum,  quia  vel  parum  vel  nihil  refert  quoad  rem  ipsam.  Diximus  enim  huc  spectare  prophetae  consilium  ne  Iudaei  et  oculos  suos  et  animos  defigant  in  praesentem  intuitum  templi:  Sinite,  inquit,  et  date  spei  locum,  quia  status  hic  non  diu  manebit.  Dominus  enim  concutiet  coelum  et  terram,  hoc  est,  potius  reputate  vobiscum  quanta  sit  Dei  potentia.  Nonne  suo  imperio  regit  terram  et  coelum?  Potius  vero  concutiet  sursum  et  deorsum  omnia,  quam  non  restituat  ecclesiam  suam:  hoc  est,  potius  mutabitur  totius  orbis  facies,  quam  non  perveniat  redemptio  ad  plenum  effectum.  Nolite  igitur  subsistere  in  istis  praeludiis,  sed  agnoscite  quid  valeat  Dei  potentia:  quia  etiamsi  necesse  sit  coelum  et  terram  misceri,  potius  hoc  fiet,  quam  ut  impediant  hostes