31:104  Psalmus  demum  precatione  claudetur.  Non  ergo  hic  obiter  inserit  quae  prius  inter  media  pericula  et  curas  vota  conceperat:  sed  ex  professo  Dei  opem  implorat,  petitque  ut  idem  ille,  quem  saepe  liberatorem  erat  expertus,  gratiae  suae  cursum  continuet.  Ac  fieri  potest  ut  hostes  iam  aliquoties  victi,  collectis  novis  viribus  et  animis,  extrema  tentaverint:  ut  saepe  videmus  desperatos  tumultuosius  et  maiore  impetu  furere.  Certum  quidem  est,  quum  precatus  est  David,  oblatum  fuisse  illi  maximum  terrorem,  neque  enim  abs  re  Deum  suae  afflictionis  testem  advocat.  Notandum  autem  est,  dum  ad  Dei  misericordiam  suppliciter  confugit,  aequo  et  modesto  animo  crucem  sibi  impositam  ferre.  Sed  in  primis,  notandum  est  epithetum  quo  Deum  ornat,  suum  exaitatorem  a  portis  mortis  vocans,  neque  enim  melius  nomen  occurrit  pro  Hebraico  DJOIIS).  Nam  primo  fidem  suam  ab  experientia  confirmat,  quia  saepe  ereptus  fuerat  e  summis  periculis:  deinde  salutem  sibi  promittit  in  ipsis  mortis  faucibus,  quia  consueverit  Deus  non  tantum  usitatis  modis  servos  suos  iuvare,  eorumque  malis  mederi,  sed  ipsos  e  sepulcro  educere,,  postquam  spes  vitae  praecisa  est.  Portas  enim  mortis  metaphorice  appellat  ultima  discrimia  quae  interitum  minantur,  imo  iam  apertum  sepulcrum  ostentant.  Ergo  ne  vel  malorum  praesentium  gravitas,  vel  impendentium  metus  fidem  nostram  absorbeat,  vel  preces  nostras  abrumpat:  revocemus  in  memoriam,  non  frusta  hoc  Deo  munus  adscribi,  quod  suos  extollat  e  portis  mortis.  15.  (Ut  recitem.)  Quanquam  simpliciter  intelligit  David,  per  omnes  coetus,  et  ubicunque  erit  maxima  populi  frequentia,  se  Dei  laudes  celebraturum  (quia  tunc  in  portis  solebant  agere  conventus)  videtur  tamen  allusio  esse  ad  portas  mortis,  ac  si  dixisset,  postquam  ereptus  est  a  sepulcro,  se  daturum  operam  ut  Dei  gratiam  in  maxima  luce  testetur.  Sed  quia  non  sufficit,  Dei  laudes  in  linguis  nostris  sonare,  nisi  ex  animo  proficiscantur,  additur  interior  laetitia,  ac  si  dixisset,  non  alium  in  finem  sibi  in  animo  esse,  praesenti  vita  frui,  quam  ut  gaudeat  se  a  Deo  servatum  esse.  Sub  filiae  nomine,  populum  vel  civitatem  intelligi  notum  est,  sed  urbem  ipsam  a  praecipua  parte  denominat.  16.  Demersae  sunt  gentes  in  foveam  quam  fecerunt:  in  rete  quod  absconderunt,  captus  est  pes  eorum.  17.  Notus  est  Iehova  iudicium  faciendo:  in  opere  manuum  suarum  illaqueatus  est  impius.  Hiqaion  Selah.  16.  (Demersae  sunt)  Iam  David,  fiducia  erectus,  hostibus  suis  insultat.  Ac  primum  quidem  metaphorice  dicit,  propria  eos  astutia  et  insidiis  fuisse  irretitos.  Deinde  hoc  idem  sine  figura  exprimit,  quod  in  suo  scelere  illaqueati  fuerint.  Hoc