27:104  vertit  de  recognoistre  une  solicitude  paternelle  que  Dieu  a  eu  du  pays  de  Canaan,  d'autant  qu'il  faut  que  la  pluye  y  vienne  ainsi,  non  seulement  une  fois  l'annee:  mais  depuis  le  commencement  iusques  a  la  fin.  Voila  en  somme  ce  que  veut  dire  ici  Moyse.  Or  par  cela  nous  sommes  admonnestez,  que  selon  les  necessitez  que  Dieu  nous  envoye,  il  nous  sollicite  quant  et  quant  de  venir  a  luy,  et  regarder  a  sa  bonte,  non  seulement  afin  que  nous  luy  rendions  grace  de  ses  benefices:  mais  qu'estans  tenus  en  suspens,  nous  l'invoquions,  nous  recourions  a  luy  de  iour  en  iour.  Comme  maintenant  nous  voyons  que  nous  avons  affaire  du  beau  temps.  Et  cela  ne  sera  point  seulement  pour  quinze  iours  l'annee  :  mais  on  a  besoin  de  faire  les  semailles,  et  de  cultiver  les  terres:  et  on  voit  qu'on  n'y  peut  mettre  la  charrue  pour  y  ietter  la  semence:  car  elle  pomrriroit  la  dessus,  sans  qu'elle  peust  prendre  racine  dedans  la  terre.  Et  puis  les  raisins  se  pourriront  aux  vignes,  au  lieu  de  meurir.  Et  puis  encores  les  semailles  seront-elles  faites,  on  aura  besoin  apres  de  pluye:  et  il  y  viendra  quelque  fois  une  grande  secheresse.  Et  puis  en  Peste  s'il  est  question  de  moissonner,  il  faudra  avoir  le  temps  propre,  il  faudra  cultiver  les  vignes,  il  faudra  accoustrer  les  prez:  bref  tout  au  long  de  l'an  Dieu  nous  exhorte  par  necessite  de  venir  a  luy:  et  quand  nous  n'y  serions  point  solicitez,  si  est-ce  que  de  nature  selon  le  iugement  qu'il  nous  donne,  et  l'apprehension,  nous  voyons  que  de  iour  en  iour  il  nous  convie  de  recourir  a  luy,  et  nous  remettre  du  tout  sur  la  fiance  de  sa  bonte.  C'est  ce  que  nous  avons  en  somme  a  retenir  de  ce  passage.  Or  le  principal  est  de  bien  prattiquer  la  doctrine.  Et  ainsi,  quand  nous  verrons  que  nostre  Seigneur  aura  regarde  tout  au  long  de  l'annee  sur  nous,  cognoissons  qu'il  nous  a  voulu  plus  familierement  declairer  le  soin  paternel  que  il  en  a.  Car  si  nous  avions  quelque  riviere  semblable  a  celle  du  Nyle,  qui  arrousast  la  terre  au  lieu  de  la  pluye,  nous  penserions:  Et  bien,  encores  Dieu  a  eu  pitie  de  nous  pour  ceste  annee.  Mais  cela  ne  seroit  pas  pour  nous  toucher  si  bien,  comme  quand  nous  voyons,  Dieu  ne  nous  regarde  pas  seulement  au  printemps:  mais  il  continue,  il  n'y  a  iour  de  Pan  ou  nous  ne  puissions  contempler  une  bonte  admirable  de  Dieu,  quand  il  fait  fructifier  la  terre  pour  nostre  nourriture:  que  nous  cognoissons,  il  faut  que  Dieu  tienne  maintenant  les  pluyes  serrees,  il  faut  maintenant  qu'il  ouvre  les  fenestres  du  ciel,  et  les  canaux,  afin  que  nous  ayons  la  pluye  en  temps  opportun:  il  faut  qu'il  envoye  la  chaleur,  il  faut  qu'il  la  modere,  il  faut  qu'il  envoye  le  froid,  il  faut  qu'il  envoye  le  temps  serain,  et  modere:  bref  nous  avons  besoin  de  toutes  ces  diversitez-la.  Et  si  nous  voyons  que  Dieu  pro-