21:104  en  souvenance  de  la  continuation  de  leur  amitie  et  union  en  l'oeuvre  du  Seigneur.  Le  lendemain  ledit  Farel  prescha  en  l'assemblee.  Ainsi  ayant  dit  le  dernier  Adieu  audit  Calvin,  se  retira  en  son  eglise  de  Neuf-chastel.  De  la  en  avant  sa  maladie  iusques  a  la  mort  ne  fut  qu'une  continuelle  priere,  nonobstant  qu'il  fust  en  douleurs  continuelles,  ayant  souvent  en  sa  bouche  ces  mots  du  Pseaume  39  :  Tacui,  Domine,  quia  fecisti,  Ie  me  tay,  Seigneur,  pource  que  c'est  toy  qui  l'as  fait.  Une  autre  fois  il  disoit,  du  chapitre  38  d'Isaie:  Gemebam  sicut  columba,  ie  gemi  comme  la  colombe.  Une  autre  fois  en  parlant  a  moy,  il  s'escria  a,  Dieu,  et  dit:  Seigneur,  tu  me  piles,  mais  il  me  suffit  que  c'est  ta  main.  Plusieurs  desiroyent  de  le  venir  voir,  et  eust  fallu  tenir  la  porte  ouverte  iour  et  nuict  qui  eust  voulu  obtemperer1)  au  desir  d'un  chacun.  Mais  lui,  prevoyant  cela,  et  cognoissant  que  sa  courte  halaine  ne  lui  eust  permis  de  faire  ce  qu'il  eust  voulu:  davantage  aussi  n'ayant  pour  agreable  la  curiosite  de  plusieurs,  avoit  requis  qu'on  se  contentast  de  prier  Dieu  pour  luy,  et  qu'on  le  laissast  en  quelque  repos.  Mesmes  quand  ie  le  venoye  voir,  encore  qu'il  me  vist  bien  volontiers,  si  est-ce  que  sachant  les  charges  que  i'avoye,  il  me  donnoit  assez  a  entendre,  qu'il  ne  vouloit  point  que  son  particulier  m'occupast  en  facon  quelconques:  tellement,  qu'en  prenant  conge  de  moy,  il  m'a  dit  quelque  fois  qu'il  faisoit  conscience  de  m'occuper  tant  soit  peu,  encores  qu'il  fust  resiouy  de  me  voir.  Mais  son  naturel  avoit  tousiours  este  tel,  de  craindre  de  retarder  tant  soit  peu  le  profit  de  l'Eglise,  et  de  donner  peine  quelle  qu'elle  fust  a  ses  amis,  encores  que  ce  leur  fust  le  plus  grand  plaisir  que  ils  eussent  au  monde,  de  se  pouvoir  employer  pour  luy.  Il  continua  en  ceste  facon,  se  consolant  et  tous  ses  amis,  iusques  au  vendredi  19.  de  May,  precedant  la  Cene  de  la  Pentecoste  :  auquel  iour,  pource  que  selon  la  coustume  de  ceste  Eglise,  tous  les  Ministres  s'assemblent  pour  se  censurer  en  leur  vie  et  doctrine,  et  puis  en  signe  d'amitie  prenent  leur  repas  ensemble,  [i  3]  il  accorda  que  le  soupper  se  fist  en  la  salle  de  sa  maison:  la  ou  s'estant  fait  porter  de  sa  chambre  en  une  chaire,  il  dit  ces  mots  en  entrant:  Mes  freres,  ie  vous  vien  voir  pour  la  derniere  fois;  car,  hors  mis  ce  coup,  ie  n'entreray  iamais  a  table.  Ce  nous  fut  une  pitoyable  entree,  combien  que  luy-mesmes  fist  la  priere  comme  il  pouvoit,  et  s'efforcast  de  nous  resiouir,  sans  qu'il  peust  manger  que  bien  peu.  Toutesfois  avant  la  fin  du  soupper  il  print  conge,  et  se  fit  remporter  en  sa  chambre,  qui  estoit  prochaine,  disant  ces  mots  avec  une  face  la  plus  ioyeuse  1)  satisfaire  F.