10.1:104  pays  du  tout  appliquez  a  idolatrie  ou  sorcellerie,  de  Claude,  ou  des  trois  rois,  qu'on  appele:  qu'il  j  en  a  eu  aussi  des  noms  d'office,  comme  Jean  Baptiste  et  Ange:  tiercement,  que  le  nom  de  Suaire  a  este  impose  aux  hommes,  qui  est  une  sottise  par  trop  lourde  :  afin  d'exclurre  du  sainct  Baptesme  telles  profanations,  avons  depuis  ordonne  d'abolir  telles  corruptions  et  abus.  DE  LA  CENE.  [page  23]  Puis  que  la  Cene  a  este  instituee  de  nostre  Seigneur  pour  nous  estre  en  usage  plus  frequent,  et  aussi  qu'il  a  este  ainsi  observe  en  l'Eglise  ancienne  iusques  a  ce  que  le  diable  a  tout  renverse,  dressant  la  Messe  au  lieu  d'icelle:  c'est  un  defaut  qu'on  doit  corriger,  que  de  la  celebrer  tant  rarement.  Toutesfois  pour  le  present  avons  avise  et  ordonne,  qu'elle  soit  administree  quatre  fois  l'annee,  assavoir  le  plus  prochain  Dimanche  de  Noel,  a  Pasques,  Pentecoste,  et  le  premier  Dimanche  de  Septembre  en  automne.  Que  les  Ministres  distribuent  le  pain  en  bon  ordre  et  avec  reverence,  et  que  nul  autre  ne  donne  le  calice  sinon  les  commis  ou  diacres,  avec  les  Ministres  :  et  pour  ceste  cause  qu'il  n'y  ait  point  multitude  de  vaisseaux.  Que  les  tables  soyent  pres  de  la  chaire,  afin  que  le  Ministre  se  puisse  plus  commodement  et  mieux  exposer  pres  des  tables.  Qu'elle  ne  soit  celebree  qu'au  temple,  iusques  a  meilleure  opportunite.  Que  le  Dimanche  devant  qu'on  celebre  la  dicte  Cene,  on  en  face  la  denonciation,  afin  que  nul  enfant  y  vienne  devant  qu'avoir  fait  profession  de  sa  foy,  selon  qu'il  sera  expose  au  Catechisme  :  et  aussi  pour  exhorter  tous  estrangers  et  nouveaux  venus  de  se  venir  premier  representer  a  l'Eglise,  afin  d'estre  instruicts  [page  24]  s'ils  en  avoyent  mestier,  et  par  consequent  que  nul  n'y  approche  a  sa  condamnation.  DES  CHANTS  ECCLESIASTIQUES.  Nous  avons  aussi  ordonne  d'introduire  les  chants  Ecclesiastiques  tant  devant  qu'apres  le  sermon,  pour  mieux  inciter  le  peuple  a  louer  et  prier  Dieu.  Pour  le  commencement  on  apprendra  les  petits  enfans,  puis  avec  le  temps  toute  l'Eglise  pourra  suivre.