9:103  103  SECUNDA  DEFENSIO  10-1  gare  mihi  propositum  non  est:  sed  quemadmodum  pluribus  scriptorum  meorum  locis  eius  usum,  modo  liber  sit  et  superstitione  purus,  commendo,  ita  lege  obstringi  conscientias  neque  fas  est,  neque  etiam  expedit.  Ostendat  Westphalus,  quo  tempore  floruit  ecclesia,  et  viguit  pura  religio,  privatam  absolutionem  ulla  lege  sancitam  fuisse.  Quod  si  omnibus  plus  quam  notum  est,  necessitatem  hanc  toto  ecclesiae  statu  vitiato,  imo  tota  pietate  eversa,  a  diabolo  invectam  esse,  crimen  in  eius  abrogatione  minime  fingendum  erat.  Unde  etiam  sequitur,  non  minus  inscite  Westphalum  arguere,  quia  privatim  unumquemque  non  absolvimus,  admitti  ad  coenam  non  ante  exploratos.  Quasi  vero  insolubili  nexu  cohaereant  inter  se  fidei  probatio  et  absolutio  privata,  quarum  prior  semper  inter  fideles  sancte  viguit,  altera,  quod  ad  legem  spectat,  rebus  iam  confusis  inter  degeneres  ritus  obrepsit.  Quartum  accusationis  [pag.  132]  caput  est,  nos  ad  tuendam  Carolostadii  iconomachian  primum  legis  praeceptum  in  duo  dividere.  Utinam  vero  non  ita  eum  praecipitem  impelleret  phreneticus  calor  ad  retegendum  suum  et  suorum  dedecus,  quod  sepultum  per  nos  maneret.  Recte  et  ordine  distingui  a  nobis  decem  legis  praecepta,  solidis  et  perspicuis  rationibus  ostendimus.  Suffragatur  etiam  veterum  autoritas.  Westphalus  cum  suis,  ut  mandatum  quod  de  cavenda  idololatria  diserte  expressum  est  obnubilent,  ultimum  legis  praeceptum  perperam  in  duo  membra  discerpit.  Et  tamen  hac  occasione  schismatis  culpam  in  nos  reiicere  non  dubitat.  Unde  etiam  colligere  promptum  est,  quas  nobis  pacis  leges  imponant  implacabiles  isti  magistri.  Quin  potius  viderit  ipse,  vel  si  eum  caecitas  impedit,  animadvertant  lectores,  an  non  exitiali  Satanae  artificio  secundum  legis  praeceptum  gradu  suo  deiectum  et  abditum  fuerit,  ne  tantus  esset  in  populo  Dei  idololatriae  horror  et  detestatio.  Quo  minore  venia  dignus  est  Westphalus,  qui  in  crassissimo  errore  et  aeque  noxio  non  tantum  contumaciter  sibi  applaudit,  sed  alios  omnes  qui  dissentiunt  ignominia  notat.  [pag.  133]  Venio  ad  quintum  crimen  de  abrogatis  diebus  festis,  item  Evangelii  et  Epistolarum  sectionibus,  1)  quae  in  vulgari  usu  fuerunt.  Distinctionem  festorum  vetustam  perinde  ac  utilem  fuisse  dicit.  Sed  velim  ut  hic  bonus  antiquarius  temporis  initium  nobis  designet,  quo  coeperunt  festi  dies  Virginis  Mariae  et  Sanctorum  honori  dicari.  Martyrum  celebratam  fuisse  memoriam  ante  annos  mille  et  trecentos  non  me  latet:  nempe  qua  fideles  ad  imitationem  magis  acuerentur.  Inter  alias  quae  deinde  sequutae  sunt  corruptelas,  haec  quoque  merito  numeranda  est,  quod  institutae  sunt  feriae  ac  1)  les  passages  coupez.