8:103  103  CONGREGATION  104  nature,  neantmoins  nous  sommes  separez  l'un  de  l'autre,  mais  que  ceste  difference-la  vient  de  Dieu:  car  le  mot  emporte  cela.  Discerner,  c'est  rendre  plus  excellent.  Et  ainsi  il  nous  monstre  qu'il  n'y  a  rien  du  nostre  en  cela;  que  nous  ne  prevenons  point  Dieu;  que  nous  n'approchons  point  de  luy;  mais,  au  contraire,  c'est  luy  qui  fait  tout;  que  c'est  a  luy  que  nous  devons  tout  attribuer.  Et  ainsi  donc,  nous  voyons  quelle  est  l'intention  de  sainct  Paul  en  ce  9.  des  Romains,  quand  il  deduit  qu'Esau  a  este  reiette,  et  que  Iacob  a  este  esleu,  que  cela  n'est  point  venu  des  oeuvres,  mais  de  Dieu  qui  appele,  dit-il.  Et  aussi  il  nous  faut  consequemment  conclurre,  que  ce  n'est  point  ny  du  vueillant  ny  du  courant,  mais  que  c'est  de  Dieu  qui  fait  misericorde;  c'est  a  dire,  qu'il  ne  faut  point  que  les  hommes  s'eslevent  icy  pour  ravir  la  gloire  a  Dieu,  ni  pour  s'attribuer  rien  de  leur  salut:  car  il  dit  que  tout  est  en  la  misericorde  de  Dieu.  Or,  il  y  en  a  qui  cavillent  ce  passage,  et  disent,  que  ce  n'est  ne  du  vueillant  ne  du  courant,  c'est  a  dire  [page  26]  que  nostre  course  ne  nous  suffiroit  point  pour  nostre  salut,  mais  que  Dieu  y  aide  par  sa  misericorde.  C'est  bien  a  propos.  Si  ainsi  estoit,  on  pourroit  bien  dire  le  contraire.  Car  s'il  y  avoit  une  concurrence  entre  Dieu  et  les  hommes,  c'est  a  dire,  que  Dieu  fist  la  moitie  et  nous  l'autre,  il  faudroit  donc  conclurre,  que  ce  n'est  point  de  nous  du  tout,  mais  de  Dieu  en  partie  :  et  aussi  que  ce  n'est  point  de  Dieu  du  tout,  mais  de  nous  en  partie;  et  par  cela  nous  voudrions  faire  Dieu  suiect  a  nous,  qui  est  un  blaspheme  trop  execrable,  et  duquel  il  n'y  a  celuy  qui  n'ait  horreur,  voire  tant  meschant  soit-il.  Comme  sainct  Augustin  mesme  le  traitte:  Sainct  Paul  parlant  en  ce  passage  du  vueillant  et  du  courant,  ne  nous  attribue  pas  un  tel  vouloir,  ny  une  telle  puissance,  que  nous  puissions  rien  de  nous-mesmes;  mais  il  monstre  que  l'homme  est  comme  captif,  et  qu'il  ne  peut  rien  du  tout,  mais  ce  qu'il  a,  procede  de  la  grace  de  Dieu,  qui  nous  tend  la  main  pour  nous  attirer  a  soy,  voire  des  le  temps  que  nous  estions  eslongnez,  bannis  et  reiettez  [page  27]  du  tout.  Et  maintenant  nous  voyons  le  propos  que  i'ay  amene  estre  assez  conferme  par  l'Escriture  saincte,  c'est  assavoir,  que  Dieu  nous  a  esleus,  voire  non  seulement  devant  que  nous  le  cogneussions,  mais  devant  que  nous  fussions  nais,  et  avant  que  le  monde  fust  cree:  et  qu'il  nous  a  esleus  par  sa  bonte  gratuite,  et  qu'il  n'a  point  cerche  la  cause  ailleurs;  qu'il  a  delibere  ce  propos  en  soy-mesme,  et  qu'il  faut  que  nous  cognoissions  cela,  afin  qu'il  soit  glorifie  de  nous  comme  il  appartient.  Or  la  gloire  telle  qu'elle  luy  est  deue,  ne  luy  peut  estre  rendue  sans  cela:  comme  il  nous  est  monstre  au  second  de  la  seconde  aux  Thessaloniciens: