7:103  103  BRIEVE  INSTRUCTION  104  I'ay  despesehe  les  sept  articles  contenuz  au  livre  que  les  patriarches  des  Anabaptistes  ont  faict,  comme  une  resolution  finale  de  ce  qu'ilz  tiennent  a  part  des  autres.  Et  pourtant,  il  ne  resteroit  plus  autre  chose  que  de  conclurre  et  mettre  fin  a  ce  present  livret,  n'estoit  qu'ilz  ont  laisse  deux  articles  d'aussi  grande  consequence  que  nul  des  autres,  desquelz  il  est  mestier  de  traicter:  veu  que  communement  tous  Anabaptistes  y  adherent.  Mesme  ie  say  que  ceux  qui  ont  compose  ceste  belle  resolution,  de  ce  temps  la  les  enseignoyent.  L'un  est,  qu'ilz  ne  tiennent  point  que  Iesus  Christ  ait  este  vray  homme:  mais  plustost  le  font  comme  un  phantosme  quant  a  son  corps.  L'autre  est,  qu'ils  pensent  que  les  ames  estant  separees  du  corps,  1)  dorment  iusques  au  iour  du  Iugement,  sans  rien  sentir  ni  congnoistre:  ou  bien  que  l'ame  de  l'homme  n'est  que  sa  vie,  laquelle  deffaut  en  mourant,  iusques  a  ce  qu'il  soit  ressuscite.  Chacun  peut  voir  [page  l  l  l  ]  la  consequence  qu'emportent  ces  deux  erreurs.  Ce  qu'ilz  n'en  ont  sonne  mot,  ie  ne  say  si  ce  a  este  par  cautelle,  d'autant  qu'ilz  sont  tant  odieux,  qu'a  bon  droit  leur  doctrine  en  devroit  estre  rendue  execrable.  Quoy  qu'il  en  soit,  puis  que  i'ay  entreprins  d'armer  tous  bons  fideles  contre  leurs  faulses  opinions,  il  n'est  pas  bon  que  ie  dissimule  ces  deux  tant  pestilentes  et  meschantes:  veu  qu'elles  sont  communes  entre  eux.  De  ce  qu'aucuns  d'entre  eux  ont  tenu  touchant  la  communaute  des  biens,  item  qu'un  homme  peut  avoir  plusieurs  femmes,  iusques  a  y  contraindre  ceux  qui  se  contentoyent  d'une,  et  mille  autres  absurdites:  ie  me  deporte  d'en  toucher.  Car  euxmesmes,  estans  confuz  en  leurs  follies,  s'en  sont  retire  tout  bellement  pour  la  pluspart.  Mais  des  deux  poinctz  que  i'ay  dict,  il  y  a  autre  raison,  veu  que  tous  y  persistent  encore.  Quant  au  premier,  qui  est  du  corps,  ou  de  la  nature  humaine  de  nostre  Seigneur  Iesus,  il  est  a  noter  qu'il  y  a  eu  deux  heresies  anciennes  conformes  ou  approchantes  de  ce  qu'ilz  en  disent.  Car  les  Manicheens  ont  phantastique  que  Iesus  Christ  avoit  apporte  un  corps  celeste  au  ventre  de  la  Vierge  sa  mere.  Les  Marcionites  ont  eu  une  resverie  un  peu  diverse,  qu'il  n'avoit  [page  112]  pas  un  corps  vrayement  substantiel  :  mais  seulement  apparence  ou  semblance  de  corps,  que  nous  appellons  phantosme.  La  fin  des  uns  et  des  autres  a  este  de  nier  que  Iesus  Christ  fust  descendu  de  semence  humaine.2)  Pourtant  nous  voyons  que  les  Anabaptistes  ne  font  que  resveiller  en  cest  endroit  les  erreurs,  que  le  Diable  avoit  suscites  il  y  a  plus  de  mille  quatre  1)  des  corps  1566  suiv.  (corporibus).  2)  ex  humano  semine  quidquam  sumpsisse.