58:103  103  SEPTIEME  SERMON  104  sorte  que  les  povres  fideles  seront  esperdus:  mais  c'est  assez,  qu'apres  les  avoir  humiliez,  apres  avoir  descouvert  leurs  infirmitez,  qu'il  se  monstre  encore  tout  a  coup,  pour  leur  faire  sentir  par  effect,  que  cependant  qu'il  leur  a  semble  qu'ils  estoient  du  tout  abandonnez  de  lui,  il  les  regardoit  en  pitie.  Voila  donc  comme  il  en  est  advenu  a  Isaac.  Or  en  premier  lieu  il  est  dit,  qu'au  lieu  de  confesser  que  Rebecca  fust  sa  femme  il  a  dit  que  c'estoit  sa  soeur.  Nous  avons  veu  le  semblable  en  Abraham:  mais  c'est  merveille,  qu'Isaac  n'eust  point  retenu  ceste  lecon,  par  l'experience  qui  avoit  este  donnee  a  son  pere  et  a  sa  mere:  car  tous  deux  avoyent  este  chastiez  pour  leur  trop  grande  timidite.  Et  Isaac  ne  pouvoit  pas  ignorer  cela.  Il  n'y  a  nulle  doute  que  son  pere  n'eust  un  tel  soin  (comme  nous  avons  veu)  d'enseigner  sa  famille,  qu'il  n'ait  declare  a  son  fils,  Garde-toy:  car  i'ay  este  pourmene  ca  et  la  toute  ma  vie  :  il  t'en  pourra  autant  avenir  :  car  Dieu  m'a  assigne  encore  quatre  cens  ans,  avant  que  nous  entrions  en  possession  de  ce  pais.  Il  faudra  que  tu  ailles  d'un  coste  et  d'autre.  Or  ie  me  suis  desfie  de  la  protection  de  Dieu,  et  i'en  ay  receu  mon  paiement:  mesme  i'en  ay  este  chastie  par  un  Roy  profane  qui  n'avoit  nulle  crainte  de  Dieu:  un  povre  aveugle  m'a  reprins  de  ma  faute,  et  Dieu  nous  en  a  fait  la  honte  a  moy  et  a  ta  mere,  quand  nous  avons  passe  par  ceste  correction-la.  Ainsi  donc,  fortifie  toy.  Il  n'y  a  nulle  doute  qu'Isaac  n'ait  receu  telle  instruction:  mais  quand  ce  vient  a  recevoir  les  coups,  la  il  est  esperdu,  et  desproveu  de  raison  et  de  conseil,  et  n'y  a  doute  qu'il  n'y  ait  quelque  desfiance  en  lui.  Car  la  Foy  nous  donnera  tousiours  une  constance  invincible,  pour  ne  rien  attenter,  sinon  que  Dieu  l'approuve.  Voila  en  quoy  nous  pourrons  savoir  si  nous  sommes  bien  fondez  en  Dieu  et  appuiez  sur  ses  promesses:  C'est  quand  nous  serons  en  quelque  trouble,  en  quelque  perplexite  et  en  quelque  danger,  si  nous  allons  tousiours  nostre  cnemin>  tel  que  Dieu  nous  commande,  et  que  nous  n'en  declarions  point,  il  nous  guidera  par  toutes  nos  voies.  Si  donc  nous  avons  ceste  magnanimite-la,  de  nous  reposer  en  Dieu,  et  d'attendre  qu'il  nous  subviendra  :  voila  une  approbation  certaine  de  nostre  Foy.  Mais  si  nous  declinons  ou  de  coste  ou  d'autre,  il  est  certain  que  nostre  infidelite  se  descouvre,  et  que  nous  monstrons  (n'ayans  point  victoire  contre  les  tentations)  que  nous  ne  sommes  point  assez  asseurez,  et  que  nous  avons  (comme  par  maniere  de  dire)  nos  pensees  esgarees.  Car  nous  voions  qu'Isaac  a  decline  a  une  chose  ilicite,  quand  pour  sauver  sa  vie  il  a  deguise  la  verite  comme  nous  avons  veu.  C'est  donc  un  signe  qu'il  n'avoit  point  de  perfection  de  Foy:  mais  qu'il  y  avoit  quelque  doute  meslee  parmi.  Or  en  cela  on  ne  le  peut  pas  excuser:  et  neantmoins  c'a  este  un  miroir  de  toute  sainctete.