52:103  103  EPIST.  PAULI  AD  COLOSSENSES  104  ��iam  facit  Christi  ovile,  et  huius  ovilis  septa  puram  evangelii  doctrinam.  Nos  ergo,  qui  sumus  Christi  oves,  significat  tuto  in  loco  quiescere,  dum  fidei  unitatem  tenemus:  pseudoapostolos  autem  praedonibus  facit  similes,  qui  a  caulis  nos  abducunt.  Tis  ergo  in  grege  Christi  censeri,  vis  manere  in  eius  caulis?  Ne  latum  unguem  a  doctrinae  puritate  deiectas.  Nam  certe  boni  pastoris  officium  faciet  Christus  nos  protegendo,  si  tantum  vocem  eius  audierimus,  alienorum  voces  respuerimus.  Denique  caput  decimum  Iohannis  expositio  est  praesentis  loci.  Ter  philosophiam.  Quia  multi  falso  putarunt  hic  damnari  a  Paulo  philosophiam,  definiendum  est  quid  intelligat  per  hoc  nomen.  Meo  autem  iudicio,  intelligit  quidquid  ex  se  comminiscuntur  homines,  dum  volunt  proprio  sensu  sapere:  idque  non  absque  specioso  rationis  praetextu,  ut  sit  in  speciem  probabile.  Neque  enim  in  reiiciendis  hominum  commentis,  quae  nullam  habent  commendationem,  multum  est  negotii:  sed  in  iis  quae  fallaci  sapientiae  opinione  mentes  capiunt.  Aut  si  uno  verbo  quis  malit,  philosophia  nihil  aliud  est  quam  persuasorius  sermo,  qui  pulchris  ac  plausibilibus  argumentis  se  insinuet  in  animos  hominum.  Tales,  fateor,  erunt  omnes  philosophorum  argutiae,  si  quid  de  suo  addere  velint  ad  purum  Dei  sermonem.  Itaque  philosophia  nihil  aliud  erit  quam  spiritualis  doctrinae  corruptela,  si  Christo  permisceatur.  Sed  meminerimus,  Paulum  sub  philosophiae  nomine  tantum  damnasse  omnes  adulterinas  doctrinas,  quae  nascuntur  ex  humano  capite,  qualemcunque  habeant  rationis  colorem.  Quod  proxime  sequitur  de  inani  deceptione,  sic  resolvo:  Cavete  a  philosophia,  quae  nihil  aliud  est  quam  inanis  deceptio:  ut  sit  hoc  additum  appositive.  Secundum  traditionem  hominum.  Propius  demonstrat  quam  philosophiam  improbet:  simulque  duplici  nomine  eam  coarguit  vanitatis  :  quia  sit  non  secundum  Christum,  sed  secundum  hominum  placita,  et  sita  sit  in  elementis  mundi.  Nota  autem  quod  tam  mundi  elementis,  quam  hominum  traditioni  Christum  opponit.  Quo  significat  quidquid  in  hominum  cerebro  fabricatum  est,  non  esse  Christo  consentaneum,  qui  unicus  a  patre  doctor  nobis  ordinatus  est,  ut  in  simplicitate  evangelii  sui  nos  retineat.  Ea  autem  vel  exiguo  humanarum  traditionum  fermento  corrumpitur.  Significat  item  alienas  a  Christo  esse  omnes  doctrinas  quae  in  elementis  mundi  cultum  Dei  constituunt,  quem  ex  Christi  regula  spiritualem  esse  scimus:  quae  etiam  hominum  mentes  nugis  illis  ac  tricis  impediunt,  quum  recta  nos  ad  se  vocet  Christus.  Sed  quid  vocat  elementa  mundi?  Non  dubium  quin  caeremonias.  Nam  continuo  post,  exempli  loco,  speciem  unam  adducit,  circumcisionem  scilicet.  Cur  autem  ita  Tocet,  duplex  ratio  afferri  solet.  Alii  translationem  esse  putant:  ut  elementa  sint  puerilia  rudimenta,