51:103  103  SERMONS  104  bien  au  hazard  et  a  l'adventure,  nous  pourrons  estre  paisibles,  et  quand  Dieu  nous  declare  qu'il  sera  gardien  de  ce  qu'il  nous  faut  employer,  n'estce  pas  grand'pitie  que  nous  soyons  en  perplexite  et  inquietude,  et  qu'il  nous  semble  que  tout  soit  perdu,  si  nous  ne  voyons  la  chose  incontinent  accomplie.  Voila  donc  ce  que  nous  avons  a  observer  eur  ce  mot,  c'est  a  scavoir  de  nous  tenir  comme  bridez  iusques  a  ce  que  le  temps  opportun  soit  venu.  Car  ce  n'est  pas  a  nous  d'assigner  iour  certain:  il  faut  que  cela  soit  en  la  main  de  Dieu.  Contentons  -  nous  donc  qu'il  veut  exercer  nostre  patience,  et  cependant  que  le  terme  ne  sera  point  prolonge  outre  ce  qui  nous  sera  utile.  Au  reste  S.  Paul  aussi  nous  a  voulu  retirer  de  ce  monde:  car  nous  demandons  profit  temporel.  Il  est  vray  que  nous  serons  bien  contents  que  Dieu  nous  le  donne:  mais  si  est-ce  qu'en  cela  nous  monstrons  que  nous  sommes  du  tout  terrestres.  Car  celuy  qui  fera  quelques  aumosnes,  encores  qu'il  vueille  servir  a  Dieu,  si  est-ce  qu'il  voudroit  bien  que  pour  un  denier,  il  deust  recevoir  bientost  un  solz  ou  un  florin,  et  sous  ombre  de  quelques  petites  aumosnes  qu'il  fera,  il  demanderoit  d'engloutir  de  coste  et  d'autre.  D'autant  donc  que  nous  voudrions  ainsi  marchander  avec  Dieu,  S.  Paul  pour  corriger  un  tel  vice  dit  qu'il  nous  faut  regarder  ou  Dieu  nous  appelle,  c'est  a  scavoir  a  ce  grand  iour  ou  chacun  sera  salarie.  Ainsi  donc  combien  qu'il  semble  que  tout  perisse  quant  a  ce  monde  et  a  la  vie  presente,  ne  laissons  pas  de  tousiours  esperer  en  Dieu,  lequel  est  fidele  de  garder  nostre  depost,  et  mesmes  qu'il  surmontera  tout  ce  que  nous  pouvons  esperer,  moyennant  que  de  nostre  coste  nous  ayons  patience.  Sur  cela,  il  conclud,  que  cependant  que  nous  avons  temps  et  loisir,  que  nous  facions  bien  envers  tous,  mais  principalement  vers  les  domestiques  de  la  foy.  Or  en  disant  qu'il  nous  faut  mettre  peine  cependant  que  nous  avons  loisir  a  bien  faire,  il  nous  propose  quelle  est  la  briefvete  de  nostre  vie.  Et  encores  en  cest  endroit  nous  voyons  une  mauvaise  maladie  en  nous,  car  il  nous  semble  qu'un  iour  est  comme  un  an.  Et  n'y  aura-il  iamais  fin?  Et  faudra-il  tousiours  continuer?  Et  sera-ce  tousiours  a  recommencer?  Voila  donc  comme  chacun  se  fait  accroire  que  le  temps  de  bien  faire  est  trop  long.  Et  la  dessus,  O,  i'y  viendray  encores  assez  a  temps:  car  si  ie  me  despouille  auiourd'huy,  et  demain  qu'on  m'en  demande,  ie  n'auray  plus  de  quoy,  il  vaut  donc  mieux  que  ie  m'en  reserve.  Or  ces  reserves  la  sont  telles  que  iamais  on  ne  trouve  l'opportunite  de  bien  faire,  car  chacun  voudroit  que  son  compagnon  allast  devant,  et  non  pas  pour  le  suivre  a  bien  faire,  mais  pour  tousiours  se  tenir  enserre.  Or  a  l'opposite  sainct  Paul  nous  monstre  que  si  nous  considerions  prudemment  la  chose  telle  qu'elle  est,