44:103  103  IN  HAGGAEUM  104  tulit  in  veterem  ecclesiam  quasi  praeludium  fuit  immensae  eius  bonitatis,  quae  tandem  patefacta  fuit  Christi  adventu.  Iam  clare  tenemus  quid  propheta  voluerit:  nam  exprobrat  Iudaeis  suam  socordiam,  quod  non  reputent  ideo  patres  olim  fuisse  redemptos  ex  Aegypto,  ut  Deus  ipsos  tueretur  ad  finem  usque.  Iubet  ergo  expendere  quaenam  sit  vis  et  natura  foederis,  quod  Deus  pepigit  semel  in  exitu  Aegypti,  nempe  ut  tandem  prodiret  redemptor,  et  secum  afferret  omnium  bonorum  plenitudinem.  Quum  ita  sit,  inquit,  iam  tempus  adest  quo  Deus  praestet  quod  tunc  pepigit  cum  patribus  vestris,  atque  ita  quidquid  hactenus  experti  estis  fidei  in  Deo,  debetis  referre  ad  hunc  finem,  nempe  ut  statuatis  vos  iam  hac  lege  reversos  esse  in  patriam,  ut  ecclesiam  suam  in  solidum  restituat:  non  autem  maneatis  in  hac  tenuitate,  quae  nunc  vobis  debilitat  animos.  Quia  ergo  speranda  ,est  vobis  perfectio  eius  felicitatis  quam  Deus  olim  pollicitus  est:  aut  irritum  erit  foedus  eius,  et  ipse  fallax  erit,  aut  debetis  bono  et  alacri  animo  pergere  nunc  in  opere.  Sequitur  :  7.  Quia  sic  dicit  Iehova  exercituum,  Adhuc  unum  modicum  hoc,  et  ego  commovebo  coelos,  et  terram,  et  mare,  et  aridam.  8.  Et  commovebo  omnes  gentes  et  venient:  desiderium  omnium  gentium,  et  implebo  domum  hanc  gloria,  dicit  Iehova  exercituum.  9.  Meum  argentum,  et  meum  aurum,  dicit  Iehova  exercituum.  10.  Maior  erit  gloria  domus  huius  secundae  (posterioris,  ad  verbum)  quam  prioris,  dicit  Iehova  exercituum:  et  in  loco  hoc  dabo  pacem,  dicit  Iehova  exercituum.  Hic  clarius  explicat  propheta,  et  magis  confirmat  quod  dixi,  nempe  Deum  in  tempore  laturum  suppetias  miseris  Iudaeis,  quia  nolit  fidem  patribus  datam  fallere.  Pendet  igitur  haec  sententia  a  foedere,  cuius  paulo  ante  meminit,  et  ideo  exprimitur  particula  causalis.  Sic  ergo  dicit  Iehova  exercituum,  adhuc  unum  modicum  hoc,  vel  breve:  ego  implebo  domum  hanc  gloria.  Quod  nominat  unum  exiguum,  interpretes  magna  ex  parte  ad  tempus  referunt.  Quanquam  sunt  qui  malint  rem  ipsam  notari.  Haec  magis  recepta  est  opinio,  adhuc  unum  hoc  modicum,  id  est,  paulisper  durat  e,  et  ad  breve  tempus,  quia  cito  Deus  res  in  melius  mutabit.  Quanquam  ergo  nunc  nondum  apparet  effectus  promissionum,  quibus  hactenus  aluistis  fidem  et  spem  vestram,  tamen  ubi  praeterierit  breve  tempus,  ostendet  re  ipsa  Deus  se  nihil  fallaciter  loquutum  esse.  Quidam  tamen,  ut  dixi,  volunt  rem  ipsam  hic  notari  a  propheta,  quia  scilicet  templum  non  admodum  splendebat  in  hominum  oculis,  unum  hoc  est  modicum,  id  est,  non  videtis  quidem  aedificium  quale  fuit  antequam  Assyrii  et  Chaldaei  potiti  essent  urbe:  sed  ne  defixi  ma-