31:103  103  PSALMUS  IX.  104  plis  agnosci  velit.  Atque  iterum  inculcat  quod  prius  attigi.  Deum  non^semper  mature,  ut  vellemus,  occurrere  iniuriis,  neque  inter  ipsa  initia  frangere  impiorum  conatus:  sed  potius  auxilium  suum  suspendere,  ut  irritus  videri  possit  clamor  noster:  quod  tenere  operae  pretium  est:  nam  si  Dei  auxilium  metimur  sensu  nostro,  subinde  nobis  labascent  animi,  nec  tandem  guttam  bonae  spei  retinebimus.  Vellemus  (ut  dixi)  ipsum  procul  extenta  manu  antevertere  quas  nobis  parari  videt  molestias:  ipse  autem  dissimulat,  nec  prohibet  quo  minus  sanguis  innoxius  fundatur,  sed  haec  consolatio  nos  sustineat,  quod  tandem  re  ipsa  ostendet,  pretiosum  sibi  fuisse  sanguinem  nostrum.  Si  quis  obiiciat,  serum  esse  Dei  auxilium  postquam  malis  omnibus  defuncti  simus:  respondeo,  ipsum  non  ultra  quiescere  quam  nobis  utile  est  sub  cruce  humiliari,  nec  ideo  vindictam  auxilio  praeferre,  quasi  non  semper  ad  nos  iuvandos  voluntarius  sit  ac  paratus:  sed  quia  manifestandae  gratiae  non  semper  idoneum  esse  tempus  agnoscit.  Interim  hoc  singulare  est  non  modo  paterni  eius  erga  nos  amoris,  sed  et  beatae  immortabilitas  testimonium,  quod  mortuos  etiam  curat.  Nam  si  gratia  sua  nos  semper  praeveniret,  quis  non  affixus  esset  praesepti  vitae?  Sed  dum  mortem  nostram  ulciscitur,  hinc  apparet  coram  ipso  nos  manere  superstites,  neque  enim  hominum  more  colit  eorum  memoriam  quos  servare  vivos  non  potuit:  sed  re  ipsa  probat  foveri  in  suo  sinu  et  custodia  qui  videntur  secundum  carnem  exstincti.  Haec  ratio  est  cur  dicat  David,  ipsum  recordari  sanguinis,  dum  eum  requirit:  quia  licet  suos  in  ipso  articulo  ex  impiorum  gladiis  non  liberet,  caedes  tamen  inultas  non  patitur.  Eodem  et  posterius  membrum  spectat,  non  oblivisci  clamoris:  quia  licet  ad  suorum  querimonias  non  statim  se  attendere  effectu  probet:  tandem  a  se  observatas  fuisse  demonstrat.  Clamoris  vero  diserte  fit  mentio,  ut  vota  sua,  gemitus,  et  preces  ad  Deum  dirigant  quicunque  eum  cupiunt  sentire  liberatorem  aut  vindicem.  14.  Miserere  mei  Iehova,  vide  afflictionem  meam  ab  iis  qui  me  persequuntur,  tu  qui  me  exaltas  e  portis  mortis:  15.  Ut  recitem  omnes  laudes  tuas  in  portis  filiae  Sion,  exsultem  in  salute  tua.  14.  {Miserere  mei.)  Hanc  existimo  secundam  esse  partem  Psalmi.  Aliis  secus  videtur,  quod  scilicet  David  ut  plerumque  solet,  inter  agendas  gratias  simul  etiam  narret  quid  inter  ipsas  necessitatis  angustias  precatus  sit:  et  fateor  eiusmodi  exempla  passim  occurrere.  Sed  dum  omnes  circumstantias  proprius  expendo,  in  diversam  partem  inclinare  cogor:  principio  scilicet  collatas  sibi  gratias  celebrasse,  ut  viam  sibi  ad  orandum  sterneret,  nam