27:103  103  SERMON  LXXVI.  104  annee,  et  bonne  moisson  qu'en  ce  desbordeinent  du  Nile,  au  lieu  que  les  autres  rivieres  gastent  un  pays,  encores  qu'elles  soyent  limoneuses,  elles  y  nuisent.  Cela  fait  que  la  terre  produit  grande  abondance,  d'autant  plus  qu'elle  se  desborde.  Voila  pourquoy  il  est  dit  que  le  peuple  avoit  lors  comme  chacun  son  iardin,  et  qu'ils  avoyent  l'eau  pour  arouser:  comme  ils  font  des  tranchees  beaucoup,  et  des  canaux,  tellement  que  le  pays  en  est  arouse  :  et  le  tout  selon  Tordre  que  Dieu  a  institue  la.  Or  maintenant  Moyse  declaire  au  peuple,  qu'il  n'en  sera  pas  ainsi  de  la  terre  de  Canaan.  Et  pourquoy?  Car  il  y  avoit  faute  de  rivieres  en  beaucoup  de  regions,  et  en  la  plus  part.  Il  est  vray  que  le  Iourdain  passe  par  la:  il  y  aussi  quelques  lacqs  :  mais  c'est  tout.  Et  mesmes  que  l'un  est  pour  insecter  la  terre  :  car  ce  lacq  ou  estoit  Sodome,  gastoit  plus  le  pays  qu'il  n'estoit  pour  avoir  quelque  commodite;  et  cependant  nous  voyons  que  les  peres  ont  eu  grand'  peine  a  fouyr  des  puits,  qu'ils  mouroyent  de  soif.  Et  mesmes  qu'on  les  a  dechassez  deca  et  dela  par  faute  d'eau.  Voila  donc  la  terre  de  Canaan  qui  n'estoit  pas  arousee  a  la  facon  d'Egypte,  elle  n'avoit  pas  les  eaues  en  main,  ni  a  commandement,  comme  ce  pays-la.  Et  pour  ceste  cause  il  leur  est  dit:  Regardez:  Dieu  visite  le  pays  d'Egypte  une  fois  l'annee:  et  quand  cela  est  advenu,  que  la  riviere  s'est  beaucoup  desbordee  sur  tout  le  pays,  c'est  comme  s'il  avoit  beaucoup  pleu  en  terre:  et  cela  se  fait  pour  un  coup:  les  Egyptiens  sont  asseurez  d'avoir  bonne  moisson,  quand  la  riviere  est  ainsi  creue.  Mais  il  faudra  que  vostre  Dieu  vous  envoye  la  pluye  et  la  rousee  convenable,  depuis  le  commencement  de  l'annee  iusques  en  la  fin.  Quand  vous  aurez  seme,  que  vous  attendiez  la  pluye  du  ciel,  et  que  vous  regardiez:  Helas!  Seigneur,  et  ne  feras-tu  point  multiplier  la  semence  que  nous  avons  mise  en  terre?  Il  faut  maintenant  que  tu  monstres  que  tu  nous  regardes,  et  que  tu  veux  que  nostre  labeur  profite.  Or  nous  auras-tu  ainsi  donne  la  pluye,  il  faudra  encore  retourner,  il  faudra  que  nous  regardions  au  ciel,  afin  que  nostre  Dieu  ait  les  yeux  sur  la  terre,  afin  de  la  faire  fructifier.  Car  ce  n'est  point  assez  qu'il  ait  pleu  une  fois,  il  faudra  que  vostre  Dieu  continue:  car  vous  n'avez  point  d'autre  moyen  d'arouser  la  terre,  sinon  que  la  benediction  de  Dieu  se  declaire  du  ciel  sur  vous:  autrement  il  faudra  que  la  terre  soit  du  tout  seiche,  et  vuide.  Maintenant  nous  voyons  quelle  est  l'intention  de  Moyse,  c'est  assavoir  qu'il  veut  inciter  le  peuple  a  cheminer  en  crainte  et  solicitude,  l'exhorter  a  invoquer  Dieu  continuellement,  et  puis  se  remettre  a  son  empire,  et  cognoistre  quel  besoin  il  a  de  son  aide  pour  dire:  Helas!  Seigneur,  que  seroit-ce  de  nous,  sinon  que  tu  nous  benisses?  Et  cependant  aussi  il  ad-