23:103  103  COMMENTARIUS  IN  GENESIN.  104  Heva:  donec  excitavit  illi  Deus  novum  semen,  de  quo  melius  speravit.  Quare  non  uno  tantum  filio,  sed  tota  sobole  orbatam  se  fuisse  ducit  in  persona  Abel.  25.  Tunc  coeptum  est  invocari.  Synecdoche  est  in  verbo  invocandi,  quia  generaliter  complectitur  totum  Dei  cultum.  Apte  autem  denominatur  a  praecipua  sua  parte  religio.  Nam  Deus  omnibus  sacrificiis  praefert  hoc  pietatis  et  fidei  officium:  ut  Psalm.  50,  14  habetur:  imo  hic  spiritualis  est  Dei  cultus  quem  producit  fides.  Quod  in  primis  notatu  dignum  est:  quia  nihil  maiore  studio  molitur  Satan  quam  ut  puram  Dei  invocationem  adulteret  quibus  potest  vitiis,  vel  ab  uno  Deo  ad  creaturas  invocandas  traducat.  Imo  lapidem  hunc  movere  non  destitit  ab  initio  mundi,  ut  se  miseri  homines  frustra  in  praepostero  Dei  cultu  fatigarent.  Nos  vero  sciamus  totam  adorationis  pompam  nihili  esse,  nisi  teneatur  praecipuum  hoc  caput  Dei  rite  colendi.  Quanquam  simplicius  etiam  exponere  licet,  tunc  celebratum  rursus  fuisse  Dei  nomen.  Sed  prior  sensus,  quia  plenior  est,  utilemque  doctrinam  continet,  tum  etiam  convenit  usitatae  scripturae  phrasi,  mihi  probatur.  Insulsum  vero  commentum  est,  tunc  alienis  nominibus  coepisse  vocari  Deum:  quum  hic  pravas  superstitiones  non  taxet  Moses,  sed  pietatem  familiae  unius  commendet,  quae,  religione  inter  alios  vitiata  aut  collapsa,  pure  sancteque  Deum  coluit.  Neque  tamen  dubium  est  quin  Adam  et  Heva,  paucique  alii  ex  eorum  liberis,  veri  fuerint  ipsi  Dei  cultores:  verum  intelligit  Moses  tale  iam  tunc  fuisse  impietatis  diluvium  in  mundo,  ut  religio  fere  ad  interitum  tenderet:  quia  residua  tantum  erat  in  paucis  hominibus,  non  autem  florebat  in  una  aliqua  gente.  Colligere  promptum  est,  Seth  probum  et  fidelem  fuisse  Dei  servum.  Postquam  vero  filium  genuit  sui  similem,  et  familiam  habuit  recte  compositam,  exstare  coepit  distincta  ecclesiae  facies,  erectusque  est  Dei  cultus  qui  duraret  ad  posteros:  Talis  et  nostro  tempore  facta  est  religionis  instauratio:  non  quod  prorsus  exstincta  foret,  sed  quia  nullus  erat  certus  populus  qui  Deum  invocaret,  nusquam  sincera  fidei  professio,  nusquam  religio  integra  conspici  poterat.  Unde  nimis  clare  apparet  quanta  sit  hominum  vel  in  crassum  Dei  contemptum,  vel  in  superstitionem  propensio:  quando  utrumque  malum  passim  tunc  grassari  oportuit,  quum  miraculi  loco  referat  Moses  unam  tunc  fuisse  domum  in  qua  emergeret  Dei  cultus.  CAP.  V.  1.  Iste  est  liber  generationum  Adam:  in  die  qua  creavit  Deus  hominem,  ad  similitudinem  Dei  fecit