22:103  103  INSTITUTION  PUERILE  DE  LA  DOCTRINE  CHRESTIENNE.  104  Le  maistre.  Mais  quel  proffit  apporte  ceste  foy  laquelle  tu  as  de  Dieu?  Lenfant.  Elle  m'enseigne  que  ie  doibs  prendre  toute  consolation  en  Dieu,  que  ie  doibs  avoir  mon  espoir  en  luy  seul^  aussi  que  ie  doibs  user  des  creatures  quil  a  cree  et  donne  aux  hommes  avecques  action  de  graces  et  en  user  sobrement.  Le  maistre.  Le  Seigneur  te  face  la  grace  davoir  en  toy  cecy,  et  les  te  vueille  tousiours  accroistre.  Dys  maintenant  quelle  est  Faultre  partie  de  la  confession  chrestienne.  Lenfant  Et  en  Iesucrist  son  filz  unique  nostre  Seigneur  qui  a  este  conceu  du  sainct  Esprit,  ne  de  la  vierge  Marie,  a  souffert  soubz  Ponce  Pilate,  crucifie,  mort  et  cnsepveli,  et  est  descendu  es  enfers.  Le  tiers  iour  est  ressuscite  des  mortz,  est  monte  au  ciel  ou  il  est  assis  a  la  dextre  de  Dieu  le  pere  tout  puissant:  de  la  viendra  iuger  les  vifz  et  les  morts.  Le  maistre.  Que  confesse  tu  icy?  Lenfant  Que  nostre  Seigneur  Iesus  Christ  est  vrayement  Dieu  et  homme  et  que  par  sa  mort  il  ma  delivre  de  la  damnation  eternelle,  par  sa  resurrection  et  ascention  aux  cieux  qu'il  ma  acquis  la  vie  perpetuelle.  Davantaige  que  sa  volunte  est  telle  qu'il  me  doibt  ressusciter  en  me  restituant  mon  corps  et  qu'il  me  doibt  pleine  et  entiere  felicite  donner  au  temps  qu'il  doibt  venir  iuger  les  vifz  et  les  mortz.  Le  maistre.  Mais  que  sera  il  faict  ce  pendant  de  toy?  Lenfant.  I'attens  le  repos  bienheureux  duquel  ie  iouyray  avecques  Christ  ce  pendant  que  ce  iour  la  viendra.