11:103  EPISTOLAE  251-253  251.  BUCERUS  BLAURERO.  h\  colloquio  Wormaciensi  parturiunt  montes,  et  omnia  sic  disposita  sunt  ut  nascatur  ridiculus  mus.  (Argent.  Archiv.  S.  Thomae.  Epp.  Buceri  T.  IL  N.  136  autogr.)  Fido  et  satagenti  Christi  servo  M.  Ambrosio  Blaurero  pastori  ecclesiae  Constantiensis  symmystae  et  fratri  carissimo  et  colendo.  ')  S.  D.  Admodum  dolet,  Ambrosi  frater  venerande  et  carissime,  te  non  advenisse,  quanquam  divinare  non  possim  quid  adversarii  agere  nobiscum  instituant.  Tales  enim  adsunt2)  a  quibus  nihil  exspectes  Christi,  ut  a  Pontifice,  Rege,  Bavaris,  Maguntino  et  Argentoratense.  3)  Comes  Palatinus  designavit,  Marchio  Brand.  Coloniensis  et  Lubecensis  miserunt  a  quibus  impetres  quod  aequum  sit.  Ego  divinare  nihil  possum.  Orandus  Dominus  est  ut  ecclesiae  suae  adsit.  Nostri  ad  unum  consentiunt  ut  nihil  remittatur  quod  per  se  Christi  est.  Papae  nuncius  iactat  se  mandata  habere  ut  omnia  nobis  concedat  quae  habemus,  tantum  ut  ipsum  invicem  agnoscamus  et  praedicemus  principem  ecclesiae,  i.  e.  apud  nos  iuxta  Christum  collocemus,  in  aliis  ecclesiis  patiamur  depulso  Christo  in  sede  Christi  ipsa  eum  adorari.  A  Germanis4)  aliquid  accessionis  exspectandum  esset:  ideo  hostes  istum  iniquissimum  delectum  fecerunt,  ne  status  omnes  adsint.  Sed  hoc  boni  est  quod  hic  nihil  concluditur.  Libenter  efficerem  ut  tu  denuo  voceris,  sed  nescio  qui  apud  vestros  valerem,  quum  nostrorum  et  Ulmensium  petitiones  posthabuerunt.  Agnosco  causas  magnas  cur  te  detineant  tui,  et  Dominus  dignetur  eas  tollere  vel  mitigare.  Et  si  te  mittent,  fac  quaeso  ut  venias.  Potest  quidem  fieri  ut  non  sit  etiam  nostrorum  aliquis  usus:  potest  rursus  accidere  ut  certe  omnibus  opus  sit.  Res  est  in  magno  apparatu:  an  autem  parturientibus  montibus  nasciturus  sit  ridiculus  mus,  Dominus  novit,  qui  det  nobis  ne  causae  suae  et  nostrae  desimus.  Vale  feliciter  cum  sorore,  frater  Worms,  9.  Nov.  1540.  M.  Bucerus  tuus.  Salutant  vos  Cap.,  Brencius,  Calvinus,  Sturmius,  legati  ambo  Iac.  Sturnrius  et  Matthias  Pfarrerus.  251.  1)  Blaurerus  adscripsit:  15.  Nov  1540.  Wormatia.  2)  scil.  legati.  3)  episcopo.  4  i  vox  dubia.