10.1:103  ORDONNANCES.  quelques  uns  de  leur  compagnie  avee  les  procureurs,  facent  visitation  a  l'hospital  pour  cognoistre  si  tout  est  bien  reigle.  Il  faudra  aussi  que  tant  pour  les  povres  de  l'hospital,  que  pour  ceux  de  la  ville  qui  n'ont  pas  de  quoy  s'aider,  il  y  ait  un  Medecin  et  un  Chirurgien  propre,  aux  gages  de  la  ville,  qui  neantmoins  pratiquassent  en  la  ville,  mais  cependant  fussent  tenus  d'avoir  soin  de  l'hospital  et  visiter  les  autres  povres.  Et  pource  qu'en  nostre  hospital  sont  retirez  non  seulement  vieux  et  malades,  mais  aussi  des  ieunes  enfans  a  cause  de  leur  povrete:  nous  avons  ordonne  qu'il  y  ait  tousiours  un  maistre  pour  les  instruire  en  bonnes  moeurs,  et  es  elemens  des  lettres  et  de  la  doctrine  Chrestienne:  principalement  il  catechisera,  enseignant  les  domestiques  dudit  hospital,  et  conduira  lesdits  enfans  au  college.  Quant  est  de  l'hospital  pour  la  peste,  qu'il  y  ait  tout  son  cas  separe  a  part,  et  principalement  s'il  advenoit  que  la  ville  fust  par  telle  verge  visitee  de  Dieu.  Au  surplus,  pour  empescher  la  mendicite  laquelle  est  contraire  a  bonne  police,  il  faudra,  et  ainsi  l'avons  ordonne,  que  la  Seigneurie  commette  quelques  uns  de  ses  officiers  a  l'issue  des  Eglises,  pour  oster  de  la  [page  22]  place  ceux  qui  voudroyent  belistrer.  Et  si  c'estoyent  affronteurs,  ou  qu'ils  se  rebeccassent,  les  mener  a  l'un  des  Syndiques.  Pareillement  qu'au  reste  du  temps,  les  Dixeniers  prenent  garde  que  la  defense  de  ne  point  mendier  soit  bien  observee.  DES  SACREMENS.  Que  le  Baptesme  ne  se  face  qu'a  l'heure  de  la  predication,  et  qu'il  soit  administre  seulement  par  les  Ministres:  et  qu'on  enregistre  les  noms  des  enfans  avec  ceux  des  parens.  Que  s'il  se  trouve  quelque  bastard,  la  Iustice  en  soit  advertie,  pour  sur  tel  affaire  proceder  ainsi  qu'est  de  raison.  Qu'on  ne  recoive  estrangers  pour  comperes  que  gens  fideles  et  de  nostre  communion,  veu  que  les  autres  ne  sont  capables  de  faire  promesse  a  l'Eglise  d'instruire  les  enfans  ainsi  qu'il  est  requis.  Item,  que  ceux  qui  auront  este  privez  de  la  Cene  n'y  soyent  pas  receus  non  plus,  iusques  a  ce  qu'ils  se  soyent  reconciliez  a  l'Eglise.  Et  pource  qu'il  y  a  eu  certains  noms  en  ce