9:102  honoris  privilegio  dignatur,  non  tantum  iniuria  fit  eius  verbo,  sed  ab  ipso  externo  signo  arcendi  erunt  infantes.  Prodeat  Anabaptista  quispiam:  dicat  perperam  regenerationis  symbolum  maledictis  Adae  filiis  conferri,  quos  Deus  nondum  in  gratiae  suae  societatem  vocavit:  vel  obmutescat  Westphalus  necesse  erit,  vel  succurrat  haec  una  defensio,  communem  ipsis  esse  gratiam,  quae  parentibus  eorum  nomine  oblata  est.  Hinc  sequitur  non  simpliciter  per  baptismum  regenerari,  a  quo  arcendi  essent,  nisi  eos  Deus  iam  inter  filii  sui  membra  censeret.  Sanctorum  vero  nomen  infantibus  detrahere  qua  fronte  audet,  quo  eos  insignit  Paulus  (1  Cor.  7,  14)?  Quod  si  locum  hunc  ut  in  Catechismo  nostro  expositus  est  inspexerint  lectores,  me  tacente  pronunciabunt  pueros  nostros  talibus  rudimentis  imbutos  longe  rectius  sapere,  quam  veteranum  hunc  theologum  ex  suis  speculationibus.  Obiicit  secundo,  coenam  Domini  domi  non  dari  aegrotis.  Qua  in  re  utinam  puriore  exemplo  nobis  praeluxissent.  Nam  si  usum  suum  curae  fuisset  ad  genuinam  Christi  regulam  exigere,  libenter  sequuti  fuissemus.  Sed  quum  nihil  minus  coelestis  magistri  [pag.  130]  doctrinae  consentaneum  sit,  quam  panem  in  pompa  non  secus  ac  fercula  in  theatro  circumferri:  deinde  hominem  unum  privatim  et  seorsum  pasci,  communicationis  lege  posthabita:  hinc  factum  est,  ut  a  privatis  coenis  pii  et  docti  homines  initio  abhorruerint.  Vanissimum  tamen  est  quod  calumniatur  Westphalus,  subdolo  Satanae  consilio  miseras  animas  consolatione  privari,  quia  aegrotis  sedulo  in  memoriam  revocamus  quod  semel  apud  eos  depositum  est  vitae  pignus,  ut  fidem  inde  suam  confirment,  et  arma  ad  spiritualem  pugnam  mutuentur.  Denique  eo  usque  proficimus,  ut  coena  in  sacro  coetu  sumpta  cx  Christi  instituto  praesenti  consolatione  non  minus  efficaciter  sustentet,  quam  si  privatim  extra  communionem  ea  fruerentur.  Prosequitur  deinde,  admitti  ad  coenam  non  ante  exploratos,  privata  absolutione  praetermissa.  Equidem  non  nego  facilitate  nimia  passim  apud  nos  peccari.  Lex  est,  ne  pueri,  donec  fidei  suae  rationem  reddiderint,  ad  sacram  mensam  accedant.  Maiores  etiam  natu  examinantur,  nisi  quorum  nota  est  ac  testata  pietas.  Minus  tamen  hac  disciplina  nos  consequi  fateor  quam  optarim:  quanquam  falsissimum  est  scientes  ac  volentes  coenam  promiscue  exteris  [pag.  131]  et  nondum  probatis  offerre.  Nec  vero  hoc  reprehendit  Westphalus,  sed  quia  privata  absolutio  praetermittitur,  cuius  si  alibi  originem  reperiat,  quam  in  foetidis  papae  lacunis,l)  libenter  culpam  agnoscam.  Privata  absolutio  quam  sit  utilis,  ne-  1)  aux  vieux  bobulaires  et  vilaine  boucliers  (bourbier≫?)  du  Pape