8:102  Seir.  Mais  la  terre  de  Canaan  n'estoit-elle  pas  une  figure  et  une  image  de  l'heritage  celeste?  Sainct  Paul  donc  nous  represente,  comme  en  un  miroir,  que  Dieu  a  choisi  Iacob,  et  l'a  prefere  a  son  frere  Esau.  Iacob,  dy-ie,  qui  estoit  moindre,  a  este  prefere  au  plus  grand,  et  a  este  constitue  au  dessus  d'Esau,  afin  qu'on  n'attribuast  rien  a  l'ordre  de  nature,  mais  a  ce  conseil  eternel,  duquel  nous  traittons  maintenant.  Sainct  Paul  ne  dit  pas  cela  seulement,  mais  il  dit:  Devant  qu'ils  eussent  fait  ne  bien  ne  mal,  que  Dieu  a  parle  ainsi,  c'est  assavoir,  qu'il  a  esleu  Iacob  et  Ta  constitue  en  heritage,  et  en  a  destitue  Esau.  Devant,  dit  il,  qu'ils  [page  23]  eussent  fait  ne  bien  ne  mal;  voire  afin  qu'on  cognust  que  cela  procedoit  du  coste  de  Dieu  qui  appele,  et  non  point  du  coste  des  hommes.  Les  Theologiens  papistiques  ont  une  distinction  entre  eux:  c'est  assavoir,  que  Dieu  n'eslit  point  les  hommes  selon  les  oeuvres  qui  sont  en  eux,  mais  qu'il  eslit  ceux  qu'il  prevoit  estre  fideles.  Et  cela  contrevient  a  ce  que  nous  ayons  desia  dit  de  sainct  Paul.  Car  il  dit,  que  nous  sommes  esleus  et  choisis  de  luy,  afin  que  nous  soyons  saincts  et  sans  macule  devant  sa  face.  Il  falloit  que  sainct  Paul  eust  parle  tout  autrement,  pource  que  Dieu  avoit  preveu  que  nous  serions  saincts,  il  nous  a  esleus.  Or  il  n'a  point  use  d'un  tel  langage,  mais  il  dit:  II  nous  a  esleus  afin  que  nous  fussions  saincts.  Il  conclud  donc  que  ceste  foy  depend  d'icelle  election.  Et  ceux  qui  en  sentent  autrement,  ne  cognoissent  point  que  c'est  de  l'homme  et  de  nostre  nature  humaine.  Parquoy  regardons  un  petit  ce  qui  est  en  nostre  nature,  et  ce  qu'on  en  peut  tirer  quand  Dieu  l'aura  laissee  comme  elle  est.  Or  il  est  certain  que  nous  sommes  tellement  corrompus  et  pervertis,  que  [page  24]  nous  ne  pouvons  faire  que  tout  mal.  Il  est  vray,  qu'il  est  bien  dit,  qu'a  ceux  qui  aiment  Dieu,  toutes  choses  leur  seront  converties  en  bien:  mais  il  dit  quant  et  quant,  au  mesme  chapitre,  que  toutes  les  vertus  de  nostre  nature  sont  autant  d'ennemis  a  rencontre  de  Dieu.  Et  ainsi  donc,  qu'est  ce  que  Dieu  prevoit  aux  hommes,  s'il  nous  laisse  tels  que  nous  sommes?  Qu'est-ce  qu'il  trouvera  en  nous,  sinon  que  toute  puantise  et  abomination,  qu'il  faut  qu'il  nous  soit  ennemi  mortel,  et  qu'il  nous  precipite  iusques  au  profond  d'enfer?  Voila  ce  que  Dieu  peut  prevoir.  Et  ainsi  donc  quand  il  prevoit  le  bien,  c'est  ce  qu'il  a  ordonne  d'y  mettre;  il  ne  prevoit  donc  que  ses  dons  et  ses  graces.  Or  maintenant,  qui  est  celuy  qui  se  pourra  enorgueillir?  qui  se  pourra  eslever  pour  dire:  Ie  suis  quelque  chose?  Qu'ainsi  soit,  venons  a  l'autre  passage  que  dit  sainct  Paul:  Et  qui  es-tu  qui  te  discernes?  et  qui  te  rend  plus  excellent?  Sainct  Paul  monstre  deux  choses:  c'est  assavoir,  que  combien  que  nous  soyons  Fous  d'une  mesme  [page  25]  condition  et  7*