7:102  promettre,  il  faudroit  alleguer  raison,  pourquoy  c'est  que  nous  ne  pouvons  acertener  nostre  promesse  avec  serment,  quand  la  necessite  le  requiert.  Mais  qu'en  tel  cas  le  serment  soit  sainct  et  legitime,  nous  en  avons  plusieurs  exemples  en  l'Escriture:  et  entre  autres  trois,  qui  sont  principallement  notables.  Il  est  dict  au  livre  des  Chroniques,  que  Asa,  Roy  de  Iudee,  estant  admonneste  par  Azaria,  Sacrificateur  et  Prophete,  appella  tout  le  peuple  en  Ierusalem,  et  la  le  fist  iurer  de  servir  a  Dieu  a  iamais  (2  Chron.  15,  14).  Autant  en  est  il  recite  de  Iosias,  quand  le  livre  de  la  Loy  fut  retrouve,  que  pour  renouveler  l'alliance  faicte  par  Moyse,  il  adiura  le  peuple,  le  faisant  promettre  de  tousiours  perseverer  en  l'obeissance  de  Dieu  (2  Chron.  34,  32).  Le  troisiesme  exemple  est  d'Esra  et  Nehemia,  a,  l'instance  desquelz  le  peuple,  estant  retourne  de  Babylonne,  iura  de  suyvre,  pour  le  temps  advenir,  Dieu  et  sa  parolle  (Nehem.  10,  30)  1).  Combien  que  tout  bien  considere,  le  semblable  fust  faict  a  la  premiere  publication  de  la  loy.  Mais  pource  que  ie  say,  [page  109]  que  i'ay  affaire  a  gens  ecervelez  et  obstinez,  ie  n'ay  voulu  alleguer  sinon  les  passages  ou  il  est  notamment  faict  mention  expresse  de  serment.  Voila  donc  toute  l'Eglise  d'Israel  qui  fait  serment  solennel  a,  Dieu,  promettant  la  chose  la  plus  difficile  qui  soit,  d'adherer  fidelement  a  luy.  Cela  se  fait  par  plusieurs  foys.  Que  l'acte  soit  bon,  il  n'y  a  doute.  Car  il  a  tesmoignage  et  mesme  est  loue  par  le  sainct  Esprit.  Ie  ne  m'arreste  pas  beaucoup  a  exposer  comment  les  hommes  se  peuvent  ainsi  obliger  a  Dieu,  de  faire  ce  qui  n'est  pas  en  eux:  sinon  qu'il  nous  convient  a  Foir  souvenance  de  ce  que  i'ay  touche  comme  en  passant,  que  les  fideles  presupposent  tousiours  que  Dieu  ne  leur  defaudra  point  en  la  grace  qu'il  leur  a  promise  :  et  sur  icelle  ilz  fondent  leur  serment.  Mais  puis  qu'ainsi  est,  que  Dieu  approuve  ceste  espece  de  serment,  et  que  son  Eglise  en  a  use  plusieurs  foys  par  son  ordonnance:  ie  demande  a  noz  estourdis  en  quelle  authorite  c'est  qu'ilz  Posent  reprouver?  Ou  plustost,  sans  m'amuser  a  eux,  pource  que  c'est  autant  de  temps  perdu,  ie  prye  et  exhorte  tous  serviteurs  de  Dieu,  de  considerer,  quelle  outrecuidance  c'est  a  ces  povres  ignorans,2)  de  faire  telles  determinations  magistrales,  et  vouloir  contraindre  le  monde  [page  110]  a  les  tenir  comme  arrestz  irrevocables  et  sans  contredict.  Quant  a  moy,  ie  ne  doute  point  qu'en  la  matiere  du  serment,  comme  aux  autres  precedentes,  ie  n'aye  pleinement  satisfaict  a  tous  ceux  qui  auront  aureilles  et  entendement,  et  voudront  acquiescer  a  la  verite  congneue.  1)  En  marge  des  editions  de  1545  et  1566  on  lit:  B  Esra  10.  2)  ignaros  istos  ac  infelices  homines,  quasi  summos  magistros  statuere  definitiones  suas.  7*