56:102  point  la  colomne  de  nuee  de  iour,  ni  la  colomne  de  feu  de  nuict,  de  devant  le  peuple.  Chapitre  XIY.  1.  Et  l'Eternel  parla  a  Moyse,  disant,  2.  Parle  aux  enfans  d'Israel,  qu'ils  retournent,  et  qu'ils  asseent  leur  ost  devant  Phihahiroth,  entre  Magdai  et  la  mer,  vers  Beelzephon,  vous  asserrez  vostre  ost  contre  iceluy  pres  de  la  mer.  3.  Lors  Pharao  dira  des  enfans  d'Israel,  Ils  sont  enserrez  au  pays:  il  les  a  enfermez  au  desert.  4.  Et  i'endurciray  le  coeur  de  Pharao,  et  vous  poursuyvra:  ainsi  ie  seray  glorifie  en  Pharao,  et  en  toute  son  armee:  dont  les  Egyptiens  sauront  que  ie  suis  l'Eternel.  Et  ils  firent  ainsi.  5.  Apres  il  fut  annonce  au  Roy  d'Egypte,  que  le  peuple  s'enfuyoit.  Et  le  coeur  de  Pharao  et  de  ses  serviteurs  fut  change,  et  dirent,  Qu'est-ce  que  nous  avons  fait,  de  laisser  aller  Israel,  et  qu'il  ne  nous  serve  plus?  6.  Lors  il  attela  son  char,  et  preint  son  peuple  avec  soy.  7.  Il  preint  six  cens  chariots  d'elite,  tous  les  chariots  d'Egypte,  et  tous  les  gouverneurs1)  d'Egypte  sur  chacun.  8.  Et  l'Eternel  endurcit  le  coeur  de  Pharao  roy  d'Egypte,  et  poursuyvit  les  enfans  d'Israel.  Or  les  enfans  d'Israel  estoyent  sortis  en  main  haute.  9.  Les  Egyptiens  doncques  les  poursuyvirent,  et  les  atteignirent,  ayant  leur  ost  pres  de  la  mer.  Tout  l'attelage  des  chariots  de  Pharao,  ses  chevaucheurs,  et  sa  gendarmerie,  pres  des  Phihahiroth  a  l'endroit  de  Beelzephon.  10.  Comme  Pharao  s'approchait,  les  enfans  d'Israel  leverent  leurs  yeux,  et  voici,  les  Egyptiens  marchoyent  apres  eux.  Les  enfans  d'Israel  donc  furent  estonnez,  et  crierent  a  l'Eternel.  11.  Ils  dirent  aussi  a  Moyse,  Est-ce  pource  qu'il  n'y  avoit  nuls  sepulchres  en  Egypte,  que  tu  nous  as  amenez  pour  mourir  au  desert?  Qu'est-ce  que  tu  nous  as  fait  en  nous  retirant  hors  d'Egypte?  12.  N'est-ce  pas  ce  que  nous  te  disions  en  Egypte,  disans,  Laisse-nous,  et  que  nous  servions  aux  Egyptiens?  Car  il  nous  valoit  mieux  de  leur  servir,  que  de  mourir  au  desert.  13.  Et  Moyse  dit  au  peuple,  Ne  craignez  point:  tenez  bon,  et  voyez  le  salut  de  l'Eternel,  lequel  il  vous  fera  auiourd'huy.  Car  les  Egyptiens,  que  vous  avez  veus  auiourd'huy,  vous  ne  les  verrez  iamais  plus.  14.  L'Eternel  combatra  pour  vous,  et  vous  demeurerez  quois.  15.  Or  l'Eternel  avoit  dit  a  Moyse,  Que  cries-tu  apres  moy?  Parle  aux  enfans  d'Israel  qu'ils  marchent.  16.  Et  toy,  esleve  ta  verge,  et  esten  ta  main  sur  la  mer,  et  la  divise:  et  que  les  enfans  d'Israel  entrent  par  le  milieu  de  la  mer  a  sec.  17.  Et  voici,  i'ay  endurci  le  coeur  des  Egyptiens,  a  ce  qu'ils  les  poursuyvent:  et  seray  glorifie  en  Pharao,  et  en  toute  son  armee,  en  ses  chariots,  et  en  ses  chevau-  *)  46  suiv.  .  ducz  O.