52:102  penitus  fixus  sit,  tanquam  in  firma  radice,  nullis  Satanae  machinationibus  deiici  poterit  a  recto  statu.  Contra  si  quis  non  defixerit  radices  in  Christo,  facile  circumferetur  quovis  vento  doctrinae,  non  secus  atque  arbor  nullis  fulta  radicibus  primo  quoque  flatu  abripitur.  Tertia  metaphora  est  fundamenti.  Domus  enim,  quae  fundamento  non  sustinetur,  mox  corruit.  Idem  et  iis  accidit  qui  aliis  fulturis  quam  Christo  incumbunt:  vel  certe  qui  nom  sunt  in  eo  solide  fundati,  sed  habent  quasi  suspensum  fidei  suae  aedificium  propter  infirmitatem  ac  levitatem.  Haec  duo  observanda  sunt  in  verbis  apostoli:  immotam  esse  eorum  firmitatem,  qui  in  Christum  recumbunt:  et  cursum  minime  dubium,  vel  errori  obnoxium.  Atque  haec  eximia  est  laus  fidei  ab  effectu.  Deinde  eo  usque  proficiendum  esse.  nobis  in  Christo,  dum  profundas  in  eo  radices  egerimus.  Unde  colligere  promptum  est,  eos  tantum  vagari  per  devia  et  inquietos  fluctuare,  qui  Christum  non  tenent.  7.  Et  confirmati  in  fide.  Idem  absque  figura  repetit  quod  per  translationes  dixerat:  nempe  viae  prosequutionem,  radicis  et  fundamenti  fulturam,  esse  firmitudinem  et  constantiam  fidei.  Et  observa,  quia  probe  edocti  fuerint,  hoc  illis  argumentum  proponi,  ut  tuto  secureque  in  fide  sibi  comperta  gradum  figant  Abundantes.  Non  vult  eos  tantum  stare  immobiles,  sed  magis  in  dies  ac  magis  augescere.  Quum  addit  cum  g  r  a  t  i  a  r  um  actione,  vuit  semper  esse  memores  unde  fides  ipsa  proveniat:  ne  efferantur  arrogantia,  sed  potius  cum  timore  acquiescant  in  Dei  dono.  Et  certe  ingratitudo  saepissime  causa  est,  cur  nos  tam  luce  evangelii,  quam  aliis  Dei  gratiis  privemur.  8.  Videte  ne  quis  vos  praedetur  per  philosophiam  et  inanem  deceptionem,  secundum  traditionem  hominumt  secundum  elementa  mundi,  et  non  secundum  Christum:  9.  quoniam  in  ipso  habitat  omnis  plenitudo  deitatis  corporaliter,  10.  et  estis  in  ipso  completi,  qui  est  caput  omnis  principatus  et  potestatis,  l  l  .  in  quo  etiam  estis  circumcisi  circumcisione  non  manufacta,  exuendo  corpus  peccatorum  carnis,  circumcisione,  inquam,  Christi,  12.  consepulti  cum  ipso  per  baptismum:  in  quo  et  consurrexistis  per  fidem  efficaciae  Dei,  qui  suscitavit  illum  ex  mortuis.  8.  Videte  ne  quis.  Iterum  cui  veneno  antidotum  a  se  datum  opponi  debeat,  admonet.  Tametsi  enim  commune  est  illud  adversus  omnes  diaboli  imposturas  remedium,  ut  diximus:  habebat  tamen  peculiarem  tunc  usum  inter  Colossenses,  cui  accommodari  debebat.  Yidete,  inquit,  ne  quis  vos  praedetur.  Verbo  utitur  admodum  proprio.  Alludit  enim  ad  praedones,  qui  dum  violenter  rapere  gregem  nequeunt,  fraude  abigunt  pecudep.  Ita  eccle-