4:102  sa  promesse  ne  faudra  iamais:  mais  aux  passages  que  nous  avons  alleguez,  tant  la  conversion  que  la  priere  se  prennent  pour  un  torment  confus  et  aveugle,  duquel  les  reprouvez  sont  agitez  en  voyants  qu'ils  ont  besoin  de  chercher  Dieu  pour  trouver  remede  a  leurs  maux:  et  neantmoins  en  reculent  tant  qu'ils  peuvent.  25.  Cependant  on  pourroit  demander,  veu  que  l'Apostre  dit  qu'on  ne  peut  appaiser  Dieu  en  faisant  semblant  et  feignant  de  se  repentir,  comment  donc  le  Roy  Achab  a  obtenu  pardon,  et  a  destourne  la  punition  laquelle  luy  avoit  este  annoncee  (1  Rois  21,  27  s.):  attendu  qu'il  a  este  seulement  estonne  pour  un  petit  de  temps,  *)  et  ne  s'est  point  amende  qu'il  n'ait  poursuyvi  le  mauvais  train  de  sa  vie.  Il  s'est  bien  vestu  d'un  sac,  il  a  iette  la  poudre  sur  sa  teste,  il  s'est  couche  par  terre,  et  comme  l'Escriture  luy  rend  tesmoignage,  il  s'est  humilie  devant  Dieu,  mais  ce  n'a  rien  este  de  rompre  ses  vestemens,  quand  le  coeur  demeuroit  endurci  et  enfle  de  malice.  Si  est-ce  que  Dieu  l'a  exauce,  pour  luy  faire  misericorde;  mais  ie  respon  que  Dieu  pardonne  tellement  aux  hypocrites  pour  un  temps,  que  son  ire  demeure  tousiours  sus  eux:  et  que  cela  ne  se  fait  pas  tant  en  leur  faveur,  que  pour  donner  exemple  a  tous.  Car  quel  profit  a  eu  Achab  de  ce  que  la  peine  luy  a  este  moderee,  sinon  qu'il  n'a  point*  veu  advenir  durant  sa  vie,  ce  qu'il  craignoit?  Ainsi  la  malediction  de  Dieu  n'a  pas  laisse  d'avoir  siege  et  domicile  perpetuel  en  sa  maison,  combien  qu'elle  fust  cachee:  et  luy  n'a  point  laisse  de  perir  a  iamais.  Autant  en  voit-on  en  Esau.  Car  combien  qu'il  soit  reboute,  si  est-ce  qu'il  obtient  benediction  temporelle  par  ses  larmes  (Gen.  27,  38.  39).  Mais  pource  que  l'heritage  spirituel  estoit  reserve2)  a  l'un  des  freres  seulement,  puis  qu'Esau  estoit  retranche  et  Iacob  eleu,  telle  reiection  luy  ,a  ferme  la  porte  a  la  grace  de  Dieu.  Et  cependant,  selon  qu'il  estoit  homme  brutal,  ce  soulagement  luy  a  este  laisse,  qu'il  se  soulast  de  la  graisse  de  la  terre  et  de  la  rousee  du  ciel.  Et  c'est  ce  que  i'ay  n'agueres  dit,  que  cela  se  fait  pour  donner  exemple  aux  autres,  afin  qu'ils  apprennent  d'appliquer  leurs  affections  et  estudes  a  vraye  repentance.  Car  il  ne  faut  douter  que  Dieu  ne  soit  facile  et  enclin  a  pardonner  a  tous  ceux  qui  se  convertiront  a  luy  de  coeur,  veu  qu'il  estend  sa  clemence  iusqu'a  ceux  qui  en  sont  indignes,  seulement  quand3)  ils*  monstrent  quelquev  semblant  de  se  desplaire  en  leur  forfait.  Nous  som-  1)  pour  un  petit  de  temps,  le  texte  latin  porte:  subito  pavore.  2)  Le  texte  latin  ajoute:  ex  Dei  oraculo.  3)  seulement  quand  .  .  .  .  forfait,  le  latin  dit:  dum  aliquid  displicentiae  prae  se  ferunt.  7*