27:102  encores  ne  faisons-nous  point  ce  que  nous  luy  devons.  Et  toutesfois  il  ne  veut  point  encores  estre  servi  sans  recompense:  il  dit  que  quand  nous  ferons  seulement  une  partie  de  ce  qui  luy  est  deu,  qu'il  s'oblige  envers  nous.  Quand  nous  voyons  cela,  ne  sommes-nous  pas  trop  villains,  si  nous  ne  sommes  touchez  au  vif,  et  que  toute  laschete  soit  corrigee,  et  que  nous  tendions  a  Dieu  sans  estre  plus  empeschez  ni  retenus  en  ce  monde?  C'est  ceste  force  dont  parle  ici  Moyse.  Et  puis  il  adiouste  que  ce  n'est  point  assez  d'estre  entre  en  la  terre:  il  faut  quant  et  quant  que  nous  y  demourions.  Car  si  nous  avons  receu  pour  un  coup  la  promesse  de  salut,  que  Dieu  nous  ait  benits  et  fait  prosperer  quant  a  ce  monde,  ne  nous  endormons  point  la  dessus  :  mais  il  faut  poursuyvre  nostre  cause.  Nous  savons  que  la  vie  presente  est  un  chemin,  il  nous  faut  tousiours  marcher.  Et  puis,  ou  est-ce  que  Dieu  nous  appelle?  Nous  dit-il:  Demeurez  la  enveloppez  au  monde,  quand  vous  aurez  marche  un  pas?  Nenni:  mais  nous  devons  aspirer  la  haut  a  la  vie  celeste.  Et  cela  ne  se  peut  faire,  que  tousiours  nous  ne  renoncions  au  monde  de  plus  en  plus.  Notons  bien  donc,  qu'ici  il  nous  est  remonstre,  quand  une  fois  Dieu  nous  aura  introduits  en  l'esperance  de  salut,  qu'il  nous  aura  receus  en  son  Eglise,  et  en  son  trouppeau,  qu'il  aura  commence  a  nous  bien  faire,  qu'il  ne  faut  point  nous  endormir  la  :  mais  passer  plus  outre,  sachans  que  ce  n'est  rien  iusques  a  ce  que  nous  ayons  acheve  ceste  vie  presente,  et  que  nous  ayons  poursuyvi  nostre  vocation,  sans  nous  lasser  ou  defaillir  au  milieu  du  chemin.  C'est  ce  que  Moyse  a  entendu,  disant,  que  si  le  peuple  est  entre  en  la  terre,  qu'il  doit  regarder  a  la  iouissance  et  possession  permanente  qui  luy  avoit  este  quant  et  quant  promise.  Apres  avoir  dit  cela,  il  adiouste  :  Que  la  terre  de  Canaan  n1  est  point  semblable  au  pays  d'Egypte.  Et  pourquoy?  Gar  vous  avez  este  (dit-il)  en  Egypte  comme  en  un  courtil,  qu'un  chacun  arousera  son  iardin,  quand  il  aura  seme,  ou  plante  des  herbes,  il  aura  l'eau  pour  arouser.  Or  vous  avez  eu  ce  pays  d'Egypte,  qui  estoit  arouse  comme  par  artifice,  et  en  partie  aussi  de  nature.  Car  notons  que  ce  pays-la  a  une  propriete  que  n'ont  pas  toutes  les  autres  regions.  On  ne  lit  point  de  tous  les  pays  du  monde,  que  du  pays  d'Egypte,  qu'ils  ne  soyent  arousez  par  pluye,  excepte  cestuy-la:  car  une  fois  l'an  la  riviere  du  Nile  passe,  et  se  desborde:  et  selon  qu'elle  croist,  elle  leur  promet  abondance  de  biens.  Que  si  elle  ne  croist  que  de  cinq  ou  six  pieds,  c'est  signe  de  sterilite,  que  c'est  autant  comme  si  Dieu  menacoit  de  famine  tout  le  pays:  si  elle  se  hausse  de  vingt  pieds,  et  bien  il  y  aura  quelque  abondance:  si  elle  croist  de  trente  ou  quarante,  encores  plus:  tellement  qu'en  Egypte  ils  n'ont  autre  signe  de  bonne