10.1:102  comme  il  a  este:  dont  l'un  aura  charge  de  la  recepte,  comme  il  a  este  dit:  tant  afin  que  les  provisions  soyent  faites  mieux  en  temps,  et  aussi  que  ceux  qui  voudront  faire  quelque  charite  aux  povres,  soyent  plus  certains  que  le  bien  ne  sera  employe  autrement  qu'a  leur  intention.  Et  si  le  revenu  ne  suffisoit,  ou  bien  qu'il  y  survint  necessite  extraordinaire,  la  Seigneurie  advisera  d'adiouster  selon  l'indigence  qu'on  y  verra.  Que  l'election  tant  des  procureurs  que  des  hospitaliers  se  face  comme  des  Anciens  et  commis  au  Consistoire,  et  en  les  eslisant  qu'on  suive  la  reigle  que  baille  sainct  Paul  des  Diacres,  a  la  premiere  de  Timothee  troisieme  chapitre.  Touchant  l'office  et  authorite  des  procureurs,  nous  confermons  les  articles  qui  par  nous  leur  ont  ia  este  ordonnez:  moyennant  qu'en  choses  urgentes  [page  20]  et  ou  il  y  auroit  danger  de  differer,  principalement  quant  il  n'y  a  point  grande  difficulte,  et  qu'il  n'est  pas  question  de  grands  despens,  qu'ils  ne  soyent  point  contraints  de  s'assembler  tousiours:  mais  qu'un  ou  deux  puissent  ordonner  en  l'absence  des  autres  ce  qui  sera  de  raison.  Il  sera  mestier  de  veiller  diligemment  que  Phospital  commun  soit  bien  entretenu,  et  que  ce  soit  tant  pour  les  malades  que  vieilles  gens  qui  ne  peuvent  travailler,  femmes  vefves,  enfans  orphelins  et  autres  povres.  Et  toutesfois  qu'on  tienne  les  malades  en  un  corps  de  logis  a  part  et  separe  des  autres.  Item,  que  la  sollicitude  des  povres  qui  sont  dispersez  par  la  ville  revienne  la,  selon  que  les  procureurs  en  ordonneront.  Item,  qu'outre  Phospital  des  passans,  lequel  est  besoin  de  conserver,  qu'il  y  ait  quelque  hospitalite  a  part,  pour  ceux  qu'on  verra  estre  dignes  de  charite  speciale:  et  pour  ce  faire  qu'il  y  ait  une  chambre  deputee,  pour  recevoir  ceux  qui  seront  adressez  des  procureurs,  et  qu'elle  soit  reservee  a  cest  usage.  Que  sur  tout  cela  soit  en  recommandation,  que  les  familles  des  hospitaliers  soyent  honnestement  reiglees  et  selon  Dieu,  veu  qu'ils  ont  en  gouvernement  la  maison  dediee  a  Dieu.  Que  les  Ministres  et  les  commis  ou  Anciens  avec  l'un  des  Seigneurs  Syndiques,  ayent  de  leur  part  soin  [page  21]  d'enquerir  si  en  la  dicte  administration  des  povres  y  a  faute  ou  indigence  aucune,  afin  de  prier  et  admonester  la  Seigneurie  d'y  mettre  ordre.  Et  que  pour  ce  faire,  tous  les  trois  mois  7*